ఎట్టేకేలకు 17న విడుదల చేస్తున్నారు

Posted: 01/09/2014 10:44 AM IST

Rey audio is going to release on jan17th

మెగా ఫ్యామిలీ నుండి వస్తున్న సాయిధరమ్ తేజ్ సినిమా అష్ట కష్టాలు పడి షూటింగు పూర్తి చేసుకొని ఫిబ్రవరిలో విడుదలకు సిద్దం అవుతుంది. ఈ సినిమా ఆడియో ఫంక్షన్ ని పవన్ కళ్యాణ్ చేతుల మీదుగా గ్రాండ్ గా విడుదల చేయాలని నిర్మాత భావించి దానికి సంబంధించిన ఏర్పాట్లు అన్నీ పూర్తి చేశాడు.

కానీ చివర్లో పవన్ కళ్యాణ్ బిజీగా ఉండటంతో ఈ ఆడియోను వాయిదా వేసిన విషయం తెలిసిందే. అలా వాయిదా పడిన ఆడియోను ఈనెల 17 వ తేదీన శిల్పా కళా వేదికలో అదే పవన్ కళ్యాణ్ చేతుల మీదుగా విడుదల చేయనున్నారు. ఈ సారి పవన్ తప్పకుండా వస్తున్నాడని నిర్మాత వైవీఎస్ చౌదరి తెలిపాడు. ఈ సినిమాకు సంబంధించిన కొత్త పోస్టర్ల సెట్ ను అల్లు అర్జున్ రిలీజ్ చేస్తున్నాడు.

రామ్ చరణ్ నటించిన ‘ఎవడు’ సినిమాతో బాటుగా ‘రేయ్ ’ సినిమా ట్రైలర్ ను జతచేసి అన్ని ధియేటర్లకూ పంపుతున్నారు. మెగా హీరోల తాపత్రయం చూస్తుంటే వీరిలో ‘సాయి ధరమ్ తేజ్ ’ తేజ్ ని పైకి తీసుకొని రావడానికి ఎంత ఆరాట పడుతున్నారో తెలుస్తుంది.