మహేష్ బాబు సినిమా బిజినెస్ కెవ్వు కేక

Posted: 12/03/2013 02:56 PM IST

Eros international bagged mahesh 1 nenokkadine ap rights

టాలీవుడ్ సూపర్ స్టార్ ప్రిన్స్ మహేష్ బాబు సినిమాలకు ఇండస్ట్రీలో ఎంత క్రేజ్ ఉందో చెప్పాల్సిన పనిలేదు. ఈయన ఓ సినిమాకు కమీట్ అయితే ఆ సినిమా హక్కులను ఎంత రేటైనా పెట్టి కొనడానికి బయ్యర్లు ఎగబడతారు. తాజాగా ఈయన సుకుమార్ దర్శకత్వంలో చేస్తున్న ‘1’ నేనొక్కడినే సినిమా షూటింగు దాదాపు చివరి దశకు చేరుకుంది. ఈనెల 22వ తేదీన ఆడియో కూడా లాంఛ్ చేయడానికి సన్నాహాలు చేస్తున్న ఈ సినిమా బిజినెస్ అప్పుడే పూర్తయిందని సమాచారం. భారీ స్థాయిలో జరిగిన ఈ సినిమా బిజినెస్ లో ఏపీ రైట్స్ భారీ రేటుకు అమ్ముడైనట్లు సమాచారం.

బాలీవుడ్ లో ప్రముఖ చిత్ర నిర్మాణ సంస్థ ఈరోస్ ఇంటర్నేషనల్ సంస్థ ఈ సినిమా హక్కుల్ని దాదాపు 72 కోట్లు చెల్లించి దక్కించుకుందని అంటున్నారు. శాటిలైట్, ఓవర్సీస్ హక్కులతో కలిపే ఈ మొత్తానికి విక్రయించినట్లు చెబతున్నారు. దాదాపు ఏడాది క్రితం వచ్చిన మల్టీస్టారర్ చిత్రం తరువాత వస్తున్న చిత్రం ఇదే కావడంతో ప్రేక్షకుల్లో భారీ అంచనాలే ఉన్నాయి. సంక్రాంతికి జనవరి 10న రాబోతున్న ఈ సినిమాను 14 రీల్స్ ఎంటర్ టైన్మెంట్ సంస్థ నిర్మిస్తోంది. ఇప్పుడే ఇంత బిజినెస్ జరిగి ఉంటే నిర్మాతకు పెట్టుబడి వచ్చినట్లే అంటున్నారు సినీ విశ్లేషకులు.