‘మసాలా ’ ఆ రోజు రావడం డౌటే ?

Posted: 10/21/2013 06:03 PM IST

Venky ram masala movie doubtful for november 1st

టాలీవుడ్ లో ఈ ట్రెండ్ కి తగిన విధంగా రెండవ మల్టీస్టారర్ చిత్రంగా తెరకెక్కుతున్న ‘వెంకటేష్ - రామ్ ’ ల ‘మసాలా ’ చిత్రం మరోసారి వాయిదా పడే అవకాశాలు పుష్కలంగా కనిపిస్తున్నాయని అంటున్నారు. మొదట ఈ సినిమా ‘మసాల ’ ఘాటును దసరాకే ప్రేక్షకులకు చూపిద్దామని అనుకున్నారు. అప్పుడు పరిస్థితులు అనుకూలించక పోవడంతో ఈ సినిమా నవంబర్ 1వ తేదీకి ఎట్టి పరిస్థితుల్లోనైనా విడుదల చేస్తామని దర్శక నిర్మాతలు ప్రకటించారు. అయితే అప్పుడు కూడా రావడం కష్టమే అనేది తాజాగా ఫిలింనగర్ వర్గాల నుండి వినిపిస్తున్న వార్త.

దీనికి కారణం ఏంటట అంటే... ఈ చిత్రానికి సంబంధించిన ఓ పాట చిత్రీకరణ, దానికి సంబంధించిన పోస్ట్ ప్రొడక్షన్ కార్యక్రమాలు, సెన్సార్ రిపోర్టు వంటి పనులు అనుకున్న తేదీ లోపు అవ్వడం కష్టం కాబట్టి ఈ సినిమాను మరో వారం పాటు గానీ, రెండు వారాల పాటు అంటే ఎనమిదవ తేదీన కానీ, పదిహేనవ తేదీన విడుదల చేయాలని భావిస్తున్నారట. కానీ కొంతమంది మాత్రం ఈ సినిమాను వాయిదా వేయడానికి కొన్ని కారణాలు చెబుతున్నారు. నాగార్జున నటించిన ‘భాయ్ ’ హిట్ టాక్ వస్తే సినిమాకు అనుకున్నన్ని థియేటర్లు దొరకడం, సినిమా వసూళ్ళ పై కూడా ప్రభావం చూపుతుందని భావించే పోస్ట్ పోన్ చేసే ఆలోచన చేస్తున్నారని అంటున్నారు.