అనుష్క రొమాన్స్ చేయనున్న పవన్

Posted: 10/17/2013 11:29 AM IST

Anushka sharma for pawan kalyan gabbar singh 2

బాలీవుడ్ లో అనతి కాలంలోనే స్టార్ హీరోయిన్ గా పేరు తెచ్చుకున్న అనుష్క శర్మకు అక్కడ భలే డిమాండ్ ఉంది. ప్రస్తుతం అమీర్ ఖాన్, రణబీర్ కపూర్ సరసన నటిస్తున్న ఈ అమ్మడు తెలుగులో కూడ నటిస్తుందని, అది ఓ స్టార్ హీరో సినిమాకు కమీట్ అయిందని, అది ఖచ్చితంగా మహేష్ బాబు సినిమానే అని అందరు అన్నారు.

కానీ తాజాగా ఫిలిం నగర్ వర్గాల నుండి అందుతున్న సమాచారం ప్రకారం... ఈ అమ్మడు పవన్ కళ్యాణ్ త్వరలో నటించబోయే ‘గబ్బర్ సింగ్ - 2 ’ సినిమాకు సెలక్ట్ చేశారని అంటున్నారు. మొదట కాజల్, సమంతా పేర్లు ప్రచారంలోకి వచ్చాయి. మొన్నటికి మొన్న మరదలు పిల్ల ప్రణీత పేరు కూడా పరిశీలనకు వచ్చింది. పనవ్ కూడా ఈ పిల్ల పై ఇంట్రెస్ట్ చూపుతున్నాడని వార్తలు వచ్చాయి.

కానీ అనుష్కకు భారీ పారితోషికాన్ని ఆఫర్ చేసి, ఆమెను ఈ సినిమాలో కథానాయికగా తీసుకున్నట్టు ఈ చిత్ర యూనిట్ వారు అంటున్నారు. ఈనెల చివర్లో షూటింగు ప్రారంభించుకోబోయే ఈ సినిమాను ఫనవ్ కళ్యాణ్ స్నేహితుడు శరత్ మరార్ నిర్మించబోతుండగా, సంపత్ నంది దర్శకత్వం వహించబోతున్నాడు. త్వరలో ఈ కథానాయిక పేరును , మిగతా వివరాలను అధికారంగా వెల్లడించనున్నట్లు సమాచారం. తొలిసారి పవన్ సరసన నటించబోతున్న అనుష్క స్టార్ ఇక్కడ ఎలా తిరిగిపోతుందో చూడాలి.