‘ఎవడు ’ ఎట్టకేలకు వస్తున్నాడు

Posted: 10/17/2013 12:56 PM IST

షూటింగు, సెన్సార్ కార్యక్రమాలు పూర్తి చేసుకొని ఎప్పుడో ప్రేక్షకుల ముందుకు రావాల్సిన రామ్ చరణ్ సినిమా ‘ఎవడు ’ వాయిదాల మీద వాయిదాలు పడుతూ ఇప్పటికే ల్యాబ్ లోనే మూలుగుతున్న విషయం తెలిసిందే. కారణం రాష్ట్రంలో నెలకొన్న పరిస్థితులు. ఇప్పుడిప్పుడే అవి సద్దుమనుగుతుండటంతో ఈ సినిమా విడుదల తేదీని ఫైనల్ గా ప్రకటించాడు ఆ చిత్ర నిర్మాత దిల్ రాజు. ఈ సినిమాను క్రిస్ మన్ పండగ వేల అనే డిసెంబర్ 19వ తేదీన విడుదల చేయబోతున్నారు.

ఇతను నిర్మించిన ఎన్టీఆర్ సినిమాను విడుదల చేసి, ఈ సినిమాను ఆపడంతో అనేక అనుమానాలు వ్యక్తం అయ్యాయి. చరణ్ ‘తుఫాన్ ’భారీ పరాజయం తరువాత ఈ సినిమా విషయంలో చాలా జాగ్రత్తలు తీసుకుంటున్నాడని, అందులో భాగంగానే కొన్ని సీన్లు రీ షూట్ చేస్తున్నారని అందుకే వాయిదా పడిందని మరో కారణం కూడా వినిపించింది. అయితే ఎప్పుడు ‘ఎవడు ’ కి ఎలాంటి మార్పులు చేర్పులు లేకుండా, ఎలాంటి రీ షూట్లు లేకుండా ఉన్నది ఉన్నట్లు విడుదల చేయనున్నట్లు దిల్ రాజు తెలపడంతో మెగా అభిమానులు ఆ సినిమా కోసం ఆత్రంగా ఎదురు చూస్తున్నారు.

ఇప్పటికే దసరా, సంక్రాంతి, దీపావళి సీజన్లను మిస్సయిన ఈ సినిమా క్రిస్ మస్, సంక్రాంతి సీజన్లు క్యాష్ చేసుకోవాలని చూస్తున్నాడు దిల్ రాజు. తెలుగుతోపాటు మలయాళ వెర్షన్ కూడా అదే‌రోజు రానుంది. వంశీ పైడిపల్లి దర్శకత్వంలో రూపొందిన ఈ సినిమాలో చెర్రీ సరసన శృతి‌హాసన్, ఎమీ జాక్సన్ హీరోయిన్లుగా నటించారు.