మగధీర రికార్డులను బద్దలు కొట్టే దిశగా...

Posted: 10/16/2013 02:31 PM IST

Pawan ad movie has collected rs 20 crores in nizam

టాలీవుడ్ బాక్సాఫీసు కలెక్షన్లలో నైజాం ఏరియాది ప్రత్యేక స్థానం. ఈ ఏరియాలో మంచి వసూళ్ళు సాధించిన సినిమా రికార్డుల మోత మోగించడం ఖాయం. ఇప్పటి వరకు టాలీవుడ్ లో రాజమౌళి - రామ్ చరణ్ కాంబినేషన్లో వచ్చిన ‘మగధీర ’ సినిమా ఈ ఏరియాలో 24.5 కోట్లు వసూలు చేసి ఇండస్ట్రీలో రికార్డు వసూళ్లు సాధించిన సినిమాగా కొనసాగుతుంది. ఇప్పుడు పవన్ కళ్యాణ్ సినిమా నైజాం కలెక్షన్లలో దుమ్ము రేపుతుంది. ఈయన నటించిన ‘అత్తారింటికి దారేది ’ సినిమా నైజాంలో 20 కోట్ల రూపాయలను వసూలు చేసి తన పవన్ స్థామినా అంటే ఇది అని నిరూపించుకుంటుంది .

ఇప్పటి వరకు ఈ సినిమా 65 కోట్లకు పైగా వసూళ్ళు సాధించినట్లు ట్రేడ్ వర్గాల సమాచారం. ఈ సినిమా ఒక్క మన రాష్ట్రంలోనే 50 కోట్ల రూపాయలు వసూలు చేసిట్లు చెబుతున్నారు. ఇక్కడే కాకుండా విదేశాల్లో కూడా ఈ సినిమా వసూళ్ళ పరంగా దూసుకుపోతుంది.

సీమాంధ్ర ఉద్యమం, ఫైలిన్ తుఫాన్ ప్రభావం ఈ సినిమా పై ఎటువంటి ప్రభావం చూపలేక పోయాయి. వసూళ్ళు ఇలాగే కొనసాగితే ఈ సినిమా 100 కోట్లు దాటినా ఆశ్చర్య పోనక్కర్లేదని అంటున్నారు. మొన్నటి కి మొన్న పవన్ కళ్యాణ్ ‘థ్యాంకూ మీట్ ’ లో కూడా ఈసినిమా 100 కోట్లు దాటినా అనే సంకేతాలు ఇచ్చారు. ప్రస్తుతం ఉన్న కలెక్షన్ల జోరును చూస్తుంటే పవన్ మాట నిజం కావచ్చనే అనుమానాలు వ్యక్తం చేస్తున్నారు.