ఎన్టీఆర్ సినిమా పక్క రాష్ట్రాల్లో కూడా

Posted: 10/03/2013 02:32 PM IST

ఈ మధ్య మన తెలుగు హీరోల సినిమాలు పక్క రాష్ట్రాల్లో కూడా మంచి చేయడమే కాకుండా, మంచి వసూళ్ళను కూడా సాధిస్తున్నాయి. పవన్ కళ్యాణ్ తాజా సినిమా ‘అత్తారింటికి దారేది ’ కర్ణాటకలో మంచి బిజినెస్ చేస్తోంది. ఇప్పుడు అదే కోవలో జూనియర్ ఎన్టీఆర్ సినిమా కూడా వెళ్తోంది. ఈయన నటించిన ‘రామయ్యా వస్తావయ్యా ’ సినిమా ఈనెల 10వ తేదీన ప్రపంచ వ్యాప్తంగా విడుదల కాబోతుంది. ఈ నేపథ్యంలో కర్ణాటకకు సంబంధించిన సినిమా డిస్ట్రిబ్యూషన్ రైట్స్ 3.5 కోట్లకు అమ్ముడైనట్లు సమాచారం. ఈ హక్కులను బృందా అసోసియేట్స్ వారు తీసుకున్నట్టు  సమాచారం. కర్ణాటక ఏరియాలో ఎన్టీఆర్ కెరీర్లో హయ్యస్ట్ మొత్తంగా దీనిని పరిగణిస్తున్నారు. ఎన్టీఆర్ గత చిత్రం ‘బాద్ షా ’ మంచి వసూళ్లు సాధించడమే ఇంత రేటు పలకడానికి కారణం అంటున్నారు సినీ విశ్లేషకులు. ఇక రాష్ట్రంలో కూడా ‘రామయ్యా వస్తావయ్యా ’ అన్ని ఏరియాల్లో ఇప్పటికే భారీ బిజినెస్ చేసినట్లు చెబుతున్నారు.