రామ్ లీలా ఐటెంలో అందాల ఆరబోత

Posted: 09/30/2013 09:01 PM IST

బాలీవుడ్ లో ప్రస్తుతం ప్రతి ఒక్కరు చర్చించుకుంటున్న చిత్రం ‘రామ్ లీలా ’ ముంబయి సినీ వర్గాల్లో ఎక్కడ చూసినా దీని గురించే చర్చ. కారణం ప్రముఖ దర్శకుడు సంజయ్ లీలా బన్సాలీ ప్రముఖ రచయిత రాసిన ‘షేక్స్ పియర్ ’ నవలల్లో బాగా పాపులర్ అయిన ‘రోమియో జూలియెట్ ’ నాటకం ఆధారంగా రూపొందిస్తున్న ‘రామ్ లీలా ’ చిత్రం కావడమే. ఈ చిత్రానికి సంబంధించిన పోస్టర్స్ ఇప్పటికే పలువురిని ఆకట్టుకోవడమే కాకుండా ప్రశంసలు పొందాయి కూడా. అంతే కాకుండా ఈ చిత్రానికి సంబంధించిన రణవీర్, దీపికాల రొమాంటిక్ పోస్టర్స్ విశేషంగా ఆకట్టుకుంటున్నాయి.

వీరిద్దరి మధ్య రొమాంటిక్ సన్నివేశాలే కాకుండా, ప్రియాంక చోప్రా ఇందులో ఐటెం పాటకు చిందులేసిందట. ముంబయ్‌లోని ఫిల్మ్ సిటీ స్టూడియోస్‌లో రూపొందించిన ఓ భారీ సెట్‌లో ఈ పాటను చిత్రీకరించారు. విష్ణు దేవా నృత్యదర్శకత్వంలో రూపొందిన ఈ పాటలో ప్రియాంక అదిరిపోయే స్టెప్స్ వేశారట. ఆమె చాలా హాట్‌గా కనిపించనుందని సమాచారం. ఈ ఐటమ్ సాంగ్ సినిమాకి ప్రత్యేక ఆకర్షణ అవుతుందని యూనిట్ సభ్యులు అంటున్నారు. నవంబర్‌లో ఈ చిత్రాన్ని విడుదల చేయాలనుకుంటున్నారు. ఇప్పటికే జంజీర్ లో చెర్రీతో ఘాటు రొమాన్స్ చేసిన ప్రియాంక ఇందులో మరింత రెచ్చిపోయిందట.