మాస్ రాజాతో తమ్మూ మొదటిసారి

Posted: 09/25/2013 01:00 PM IST

ఆ మధ్య కాలంలో యమ స్పీడుతో తెలుగు చిత్రాల్లో నటించిన మిల్కీ బ్యూటీ తమన్నాకు టాలీవుడ్ అవకాశాలు తగ్గాయి. దీంతో ఈ అమ్మడు బాలీవుడ్ వైపు ద్రుష్టి సారించింది. అక్కడ అడపాదపా సినిమాలు చేస్తున్న మిల్కీ బ్యూటీ మళ్ళీ టాలీవుడ్ లో బిజీ అయిపోతుందేమో అపిస్తుంది. ఇప్పటికే శీనువైట్ల సినిమా ‘ఆగడు ’ లో మహేష్ బాబు పక్కన నటించే ఛాన్స్ కొట్టేసిన తమ్మూ, ఇప్పుడు మాస్ రాజా సినిమాలో నటించే ఛాన్స్ కొట్టేసిట్లు టాలీవుడ్ లో వార్తలు వస్తున్నాయి. రవితేజ – వీరభద్రమ్ కాంబినేషన్లో తెరకెక్కనున్న ఈ సినిమాలో రవితేజ సరసన తమ్మూను ఎంపిక చేశారట. అలాగే ‘బలుపు ’ సినిమా దర్శకుడు బాబీ దర్శకత్వంలో ఓ సినిమా చేయడానికి గ్రీన్ సిగ్నల్ ఇచ్చిన ఆ చిత్రంలో కూడా తమ్మూ పేరునే పరిశీలిస్తున్నారట. ఇప్పటికే ఆ చిత్రంలో హన్సికను తప్పించి కేథరిన్ ని సెలక్ట్ చేసుకున్నారు. ఈమెను సెకండ్ హీరోయిన్ గా పెట్టి తమ్మూను మెయిన్ హీరోయిన్ గా పెట్టాలనే ఆలోచనలో ఉన్నాడట. మొదటి సారిగా మాస్ రాజాతో నటించే ఛాన్స్ కొట్టేసిన తమ్మూ టాలీవుడ్ లో బిజీ అయిపోతుందో లేదో చూడాలి.