అల్లు అర్జున్ ఎన్టీఆర్ టైటిల్ తో

Posted: 09/24/2013 07:52 PM IST

కొంత మంది స్టార్ హీరోలు కొన్ని టైటిళ్ళ కోసం పట్టుబడతారు. మరికొంత మంది స్టార్ హీరోలు ముందు అనుకున్న టైటిల్ సూట్ కాదని ప్రక్కన పెట్టేస్తారు. అలా పక్కన పెట్టిన టైటిల్స్ పై మరో హీరో కన్నేస్తాడు. ఇప్పుడు అలాంటిదే జరిగింది. ఎన్‌టిఆర్‌తో చేస్తున్న రామవయ్యా వస్తాయ్యా టైటిల్‌కు ముందు 'పండుగ చేసుకో' అనే టైటిల్‌ అనుకున్నారట. మాస్‌ అప్పీల్‌ ఉన్న తనకు ఇది సరిపోదని... ఎన్‌టిఆర్‌ చెప్పగానే.. అప్పుడు టైటిల్‌ మార్చారట. ఇప్పుడు అదే టైటిల్ తో అల్లు అర్జున్ రాబోతున్నాడని అంటున్నారు. ఈ సినిమా తరువాత హరీష్ శంకర్ అల్లు అర్జున్ తో సినిమా చేయబోతున్నాడు. ఈ సినిమాకు ‘పండగ చేస్కో ’ అనే టైటిల్ నిర్ణయించినట్లు సమాచారం. ఈ సినిమాను దిల్ రాజు నిర్మంచబోతున్నాడు. అయితే ఎన్టీఆర్ అభిమానులు మాత్రం మా హీరో టైటిల్ ను కొట్టేశాడని అంటున్నారు. ఏమైనా అల్లు అర్జున్ త్వరలో ‘పండగ చేస్కో ’ బోతున్నాడన్న మాట.