మహేష్ చాలా డేంజర్ పర్సన్

Posted: 09/18/2013 03:45 PM IST

టాలీవుడ్ సూపర్ స్టార్ మహేష్ బాబు తెర పై విలన్లకు ‘ఉ... పోయిస్తాడు. ఆయన్ను తెర పై నిజంగా ప్రమాదకరమైన నటుడే అనే ఫీలింగే కలుగుతుంది. కానీ ఇతడు రియల్ లైఫ్ లో కూడా చాలా ప్రమాదకరమైన నటుడు అని తేల్చారు. అంటే వ్యక్తిగతంగా కాదండోయ్. పేరు పరంగా. ప్రముఖ యాంటీ వైరస్ సాఫ్ట్ వేర్ సంస్థ అయిన McAfee. ఈ విషయాన్ని ఈ సంస్థ తాజాగా వెల్లడించింది. సైబర్ నేరగాళ్లకు అత్యంత ఇష్టుడైన వాళ్ళలో మహేష్ మందున్నాడట. నెట్లో మనం మహేష్ బాబు పేరు కొట్టగానే సదరు శోధకుడిని తమ నకిలీ వెబ్ సైట్లకు ఈ నేరగాళ్ళు తీసుకుపోతారు. అక్కడి నుంచి వాళ్ళ పాస్ వర్డ్స్, తదితర వివరాలను తస్కరిస్తారు. ఆపై రకరకాల నేరాలకు పాల్పడతారు. ఈ సంవత్సరానికి గాను ఈ సంస్థ చేసిన సర్వేలో ఈ విషయం తేట తెల్లం అయింది.  టాలీవుడ్ కి సంబంధించి తాజాగా విడుదల చేసిన లిస్టులో మహేష్ తర్వాత ద్వితీయ స్థానాన్ని రామ్ చరణ్ పొందాడు. మూడో స్థానంలో పవన్ కల్యాణ్, నాలుగో స్థానంలో అంజలి, ఐదో స్థానంలో ఇలియానా, ఆరవ స్థానంలో ఎన్టీఆర్ వున్నారు. అల్లు అర్జున్ ఏడవ స్థానాన్ని ఆక్రమించాడు.