పవన్ - త్రివిక్రమ్ సినిమాలు రాబోతున్నాయి

Posted: 09/14/2013 12:53 PM IST

పవన్ కళ్యాణ్ కి సినీ పరంగా ఎంత ఫ్యాన్స్ ఫాలోయింగ్ ఉందో, వ్యక్తిగతంగా కూడా ఆయన్ను చాలా మంది ఇష్టడతారు. స్నేహానికి చాలా విలువనిచ్చే పవన్ కళ్యాణ్ టాలీవుడ్ దర్శకుడు త్రివిక్రమ్ కి మంచి స్నేహితుడు. ‘జల్సా ’ సినిమా నుండి ప్రారంభం అయిన వీరి స్నేహం ఇప్పుడు వ్యాపారం చేసుకునే రేంజ్ కి వెళ్లింది. త్వరలో వీరిద్దరు కలిసి సినిమాలు నిర్మించబోతున్నట్లు సమాచారం. ఇటీవల పవన్ ‘పవన్‌కల్యాణ్ క్రియేటివ్ వర్క్స్ ’ అనే సంస్థను స్థాపించి చిన్న సినిమాలను నిర్మించి, కొత్త వారికి అవకాశాలు ఇవ్వాలనుకుంటున్నట్లు వార్తలు వచ్చిన విషయం తెలిసిందే. ఇప్పుడు అదే సంస్థలో వీరిద్దరు కలిసి సినిమాలు నిర్మించబోతున్నారని అంటున్నారు. త్వరలో ఓ చిత్రాన్ని సెట్స్ పైకి తీసుకెళ్ళే ఆలోచనలో ఉన్నట్లు తెలుస్తుంది. వీరి స్నేహం ఎలా కొనసాగుతుందో... వీరి వ్యాపారం కూడా దినదినాభివ్రుద్ది చెందాలని, సినిమా ఇండస్ట్రీలో ఉన్న వారికి అవకాశాలు కల్పించాలని కోరుకుందాం.