శ్రీదేవి జపాన్ రజినీకాంత్

Posted: 09/07/2013 12:22 PM IST

విదేశాల్లో ఇంతవరకు అంత్యంత క్రేజ్ సంపాదించుకున్న మన ఇండియన్ నటులలో రజినీకాంత్ కూడా ఒక్కరు. ఈయనకు జపాన్ లో చాలా ఫ్యాన్స్ ఫాలోయింగ్ ఉంది. ఆ ఘనత మొదట దక్కించుకుంది ఈయనే. ఈయన తరువాత ఇప్పుడు అందాల సుందరి శ్రీదేవికే దక్కింది. అదేంటి ఎంతో మంది స్టార్లుండగా నడి వయస్సు ఆంటీకి ఈ క్రెడిట్ దక్కటం ఏంటని ఆశ్చర్యపోకండి. పదహారేళ్ళ ప్రాయం నుండి తెలుగు, హిందీ, తమిళ ఇలా పలు భాషల్లో ప్రేక్షకుల్ని అలరించిన ఈ అమ్మడుకు ఇక్కడ ఇప్పుడు కూడా ఫ్యాన్స్ ఉన్నారు. ఐదు పదుల వయస్సులో కూడా చెక్కుచెదరి శిల్పం లాంటి అందాలను మెయింటేన్ చేస్తున్న ఈ ఇటీవలే సెకండ్ ఇన్నింగ్స్ ప్రారంభించిన విషయం తెలిసిందే. ఈమె నటించిన ‘ఇంగ్లీష్ వింగ్లీష్ ’ సినిమా ఎంత హిట్టయిందో అందరికి తెలిసిందే. ఇటీవల ఆ చిత్ర నిర్మాత జపాన్‌లోని టోక్యోలో జరిగిన ‘ఐచి ఫిల్మ్ ఫెస్టివల్ ’లో ఈ చిత్రాన్ని ప్రదర్శించారు. దీనికి అక్కడి మహిళ నుండి వచ్చిన రెస్పాన్స్ ను చూపి ఆశ్చర్యపోయారు. ప్రతి మహిళ శ్రీదేవి పాత్రతో కనెక్ట్ అయ్యారు. ప్రీమియర్ షోకే అంత రెస్పాన్స్ రావడంతో దీనిని అత్యధిక ప్రింట్లతో జపాన్ లో విడుదల చేయడానికి ఆ చిత్ర నిర్మాత బాల్కీ సన్నాహాలు చేస్తున్నారు. అలాగే రజనీ తర్వాత అంత ఆదరణ పొందిన భారతీయ తార శ్రీదేవి కావడం విశేషం.