నట సింహం ప్రక్కన రెండో హీరోయిన్ గా

Posted: 08/10/2013 07:22 PM IST

టాలీవుడ్ లో నందమూరి నటసింహంగా పేరు తెచ్చుకున్న ‘బాలయ్య ’ సెంచరీ చేసి సినిమాల్లో నుండి రిటైర్మెంట్ ప్రకటించాలనే ఉద్దేశ్యంతో సెంచరీకి మిగిలిఉన్నసినిమాలను త్వరగా పూర్తి చేయాలని భావించి ఆ మద్య వరుస సినిమాలు చేస్తూ పోయాడు.కానీ తీరా అవి బాక్సీఫీసు వద్ద బోల్తా కొట్టడంతో కాస్తంత వెనక్కి తగ్గి ఆచితూచి అడుగులు వేస్తున్నాడు. ప్రస్తుతం బోయపాటి శీను దర్శకత్వంలో ‘రూలర్ ’ సినిమాను చేస్తున్నాడు. ఇంత వరకు బాగానే ఉన్నా.... ఈయన సరసన నటించడానికి ఏ హీరోయిన్ ముందుకు రావడం లేదు. షూటింగు ప్రారంభం అయి చాలా రోజులు అయినా ఇంత వరకు హీరోయిన్ ఖరారు కాలేదు. ఆ మధ్య ఈయన సరసన పలువురు హీరోయిన్లు నయనతార,కాజల్, ఇషా చావ్లా వంటి వారి పేర్లు వార్తలకెక్కాయి. కానీ వారందరు ఆ వార్తల్ని ఖండిస్తూ వచ్చారు. దీంతో బాలయ్యకు హీరోయిన్ దొరకడం కష్టమే అనే టాక్ వచ్చింది. కానీ తాజా సమాచారం ప్రకారం ఈ సినిమాలో సీతమ్మగా పేరు తెచ్చకున్న ‘అంజలి ’ని కధానాయికగా తీసుకున్నట్లు వార్తలు. ఇద్దరు కధానాయికలు కావాల్సిన ఈ సినిమాకు ఇప్పటికే సోనాల్ చౌహాన్ ని తీసుకున్నారు. ఇప్పుడు అంజలిని తీసుకున్నారు. మరి వీరిద్దరిలో మొయిన్ హీరోయిన్ ఎవరో సస్పెన్స్ గా ఉంది.