బాగా ‘మసాలా ’ దట్టిస్తున్నాడు

Posted: 08/08/2013 01:32 PM IST

ఈ మధ్య కాలంలో టాలీవుడ్ లో మల్టీ స్టారర్ చిత్రాలకు టైటిళ్ళు పెట్టాలంటే కష్టం అయిపోతుంది దర్శక నిర్మాతలకు. సినిమా షూటింగు చివరి దశకు వచ్చినా కానీ సినిమా టైటిళ్ళను మాత్రం ఖారారు చేయలేకపోతున్నారు. ఇటువంటి సమస్యే ఇప్పుడు వెంకటేష్ - రామ్ కలిసి నటిస్తున్న ‘బోల్ బచ్చన్ ’ సినిమా తెలుగు రీమేక్ కి వచ్చింది. ఈ సినిమా ఒక పాట మినహా చిత్రీకరణ పూర్తి చేసుకుంది. కానీ టైటిల్ మాత్రం ఖరారు కాలేదు. ఇప్పటికే  ‘గోల్‌మాల్ ’, ‘గరం మసాలా ’, ‘రామ్-బలరామ్ ’, ‘ సర్వేజనా సుఖినోభవంతు ’, ‘బ్లాక్‌బస్టర్ ’ తదితర టైటిల్స్ ప్రచారంలోకి వచ్చాయి. కానీ ఏది ఫైనల్ కాలేదు. తాజాగా ఈ చిత్రానికి ‘మసాలా ’ అనే టైటిల్ ని పెట్టే ఆలోచనలో ఉన్నట్లు సమాచారం.  విజయభాస్కర్ దర్శకత్వంలో, డి.సురేష్‌బాబు సమర్పణలో ‘స్రవంతి ’రవికిషోర్ ఈ చిత్రాన్ని నిర్మిస్తున్నారు. అంజలి, షాజన్ పదమ్‌సి కథానాయికలు రామ్, వెంకటేష్ లకు జంటగా నటిస్తున్నారు. ‘మసాలా ’ అనే టైటిల్ మాస్ ప్రేక్షకులకు బాగా రీచ్ అవుతుందని ఉద్దేశ్యంతోనే దీన్ని ఫైనల్ చేసే ఆలోచనలో ఉన్నారట . ఇక ఈ చిత్రం ఆడియోను ఈ నెల 17న పాటలను విడుదల చేసేందుకు సన్నాహాలు చేస్తున్నారు.