గెస్టు రోల్ కే తెగ వసూలు చేస్తున్నాడు

Posted: 08/06/2013 01:20 PM IST

Ranbir kapoor has a special appearance in roy

బాలీవుడ్ సినిమాల మార్కెట్ చాలా పెద్దది. ఆ మార్కెట్ కి తగినట్లే సినిమా హీరోల పారితోషికం ఉంటుంది. ఇటీవలి కాలంలో యంగ్ హీరో రణబీర్ కపూర్ సినిమాలకు మంచి డిమాండ్ ఏర్పడింది. ఆయన నటించిన సినిమాలు మంచి వసూళ్ళను సాదించడంతో బిజినెస్ కూడా బాగానే జరుగుతుంది. ఈ పరిస్థితిని గమనించిన రణబీర్ కపూర్ తన పారితోషికాన్ని కూడా భారీగా పెంచాడు. తాజాగా ‘రాయ్ ’ అనే సినిమాలో గెస్ట్ గా ప్రత్యేక పాత్ర పోషిస్తున్నందుకు జస్ట్ 15 కోట్లు తీసుకున్నాడట. ఇలా ఇందులో ఆయనది గెస్ట్ పాత్రే అయినప్పటికీ, ఆయన ఉండడంతో సినిమా హాట్ కేక్ లా బయ్యర్లను ఆకర్షిస్తోంది. వాస్తవానికి, ఈ సినిమాలో అర్జున్ రాంపాల్ కథానాయకుడైనప్పటికీ, నిర్మాత కూడా రణభీర్ పేరు చెప్పే సినిమా బిజినెస్ చేస్తున్నాడట. డిమాండ్ ఉన్నప్పుడే కాసులు వెనకేసుకోడం అంటే ఇదేనేమో ?