బాబా అవతారం ఎత్తిన పవన్

Posted: 07/11/2013 07:10 PM IST

పవర్ స్టార్ పవన్ కళ్యాణ్ నిత్యం ప్రేక్షకుల్ని ఎంటర్ టైన్ చేయడానికి ప్రయత్నిస్తాడు. ‘ట్రెండ్ ఫాలో అవ్వను ట్రెండ్ సెట్ చేస్తా ‘ అనే డైలాగు ఫాలో అవుతున్నట్లుంది. అందులో తను తాజాగా త్రివిక్రమ్ శ్రీనివాస్ దర్శత్వంలో నటిస్తున్న ‘అత్తారింటికి దారేది ’ చిత్రంలో ఆయన వినూత్నమైన గెటప్ లో కనిపించి ప్రేక్షకుల్ని అలరించబోతున్నాడు. ఈ సినిమాలో ఆయన ‘అత్తా పూర్  బాబా ’ అవతారంలో కనిపించబోతున్నాడట. గతంలో ఆయన ‘గుడుంబా శంకర్ ’ సినిమాలో పవన్ కళ్యాణ్ బాబా అవతారం ఎత్తారు. ఈ సీన్ కి అప్పట్లో విపరీతమైన క్రేజ్ వచ్చంది. దీన్ని పరిగణలోకి తీసుకున్న దర్శకుడు త్రివిక్రమ్ శ్రీనివాస్ ఈ సినిమాలో కూడా ఓ బాబా సన్నివేశం పెట్టాడట. దీనికి సంబందించిన ఓ ఫోటో నెట్లో హల్ చేస్తూ జనాల్లో క్రేజ్ ని సంపాదించుకుంటుంది. పవన్ కి తోడు కామెడీ సీన్ ను మరింత పండించడానికి బ్రహ్మానందం, అలీలు కూడా ఆయనతో జత కలవనున్నారని,  ఈ ముగ్గురి కాంబినేషన్లో  వచ్చే సన్నివేశాలు  ప్రేక్షకులను కడుపుబ్బా నవ్విస్తాయని అంటున్నారు. ఈ సన్నివేశం చిత్రానికి మరింత హైలైట్ అవుతుందని చెబుతున్నారు. ప్రస్తుతం షూటింగులో భాగంగా రేవ్ పార్టీలో నలుగురు భామలతో ఎంజాయ్ చేస్తున్న పవన్ సినిమా ఆగష్టులో విడుదల కాబోతుంది.