ఆ హీరోల సినిమాలు పవన్ ఖాతాలోకే

Posted: 07/01/2013 11:45 AM IST

పవర్ స్టార్ పవన్ కళ్యాణ్ కి జనాల్లో ఎంత క్రేజ్ ఉందో వేరే చెప్పాల్సిన పనిలేదు. ఆ మధ్య వరుస ప్లాపులతో సతమతం అయిన పవన్ ‘గబ్బర్ సింగ్ ’ సినిమాతో మళ్ళీ ట్రాక్ లోకి వచ్చాడు. ఎన్ని సినిమాలు ప్లాపులు అయినా ఈయన క్రేజ్ ఏ మాత్రం తగ్గలేదని నిరూపించాడు. అలాంటి పవన్ ఇప్పుడు టాలీవుడ్ లో వరుస ప్లాపులతో సమతమం అయ్యి కెరియర్ చివరి దశకు వచ్చిందనుకొన్న హీరోలకు ఈయనే దేవుడయ్యాడు. దిక్కయ్యాడు కూడా ? హీరో నితిన్ పవన్ వీరాభిమానిగా చెప్పుకుంటూ ఆయన పేరును ‘గుండెజారి గల్లంతయ్యిందే ’ సినిమాలో వాడుకొని సూపర్ హిట్ కొట్టాడు. ఇఫ్పుడు మాస్ రాజా రవితేజ కూడా తన తాజా సినిమా ‘బలుపు ’ లో కూడా పవన్ కళ్యాణ్ ని వాడేసుకున్నారు. ఇప్పుడు ఈ సినిమా హిట్ టాక్ రావడంతో టాలీవుడ్ లో సరికొత్త ట్రెండ్ కి శ్రీకారం చుట్టాడని, ప్లాపులతో ఉన్న హీరోలను ఈయన దేవుడిగా మారాడని అంటున్నారు. ఈ సినిమా విజయంతో ఊపిరి పీల్చుకున్న రవితేజ ను చూసిన కొందరు ప్లాపు హీరోలు తన సినిమాల్లో పవన్ కళ్యాణ్  పేరును వాడుకోవడానికి సిద్ధం అవతున్నట్లు ఫిలింనగర్ జనాలు అంటున్నారు. మరి ఈ పవన్ మేనియా టాలీవుడ్ లో ఎన్నాళ్ళు కొనసాగుతుందో చూడాలి. ఇక ఆయన ఫ్యాన్స్ మాత్రం రవితేజ బలుపు, నితిన్ సినిమాను పవన్ ఖాతాలోనే వేశారు.