ఆడియో విడుదలకు వాయిదాకు కారణం ?

Posted: 06/28/2013 08:17 PM IST

Yevadu audio release postponed to july 1

మెగాస్టార్ రామ్ చరణ్ తేజ వంశీ పైడిపల్లి దర్శకత్వంలో నటించిన సినిమా ‘ఎవడు ’ ఏ ముహూర్తాన మొదలు పెట్టారో కానీ దానికి అడ్డంకుల మీద అడ్డంకులు వస్తున్నాయి. ఈ సినిమా ఆడియోని జూన్ 30 వ తేదీన విడుదల చేయాలని అనుకొని అఫీషయల్ డేట్ ని కూడా ప్రకటించారు. దీంతో మెగా అభిమానుల్లో ఆనందానికి అవధులు లేకుండా పోయాయి. కానీ ఇక్కడ విషయం ఏంటంటే... ఈ సినిమా ఆడియో విడుదల కార్యక్రమం వాయిదా పడిందని, దీనిని జులై 1వ తారీఖుకు వాయిదా వేసినట్లు సినిమా వర్గాల సమాచారం. ఇలా సినిమాల విడుదల, ఆడియో తేదీలు అఫీషియల్ గా ప్రకటించి, ఇలా వాయిదాలు వేయడంతో అభిమానులు అయోమయంలో పడటమే కాకుండా, నిరాశ కూడా చెందుతున్నారు. అయితే ఈ అడియో విడుదల కార్యక్రమం వాయిదా పడటానికి కొన్ని కారణాలు కూడా ఉన్నాయని అంటున్నారు సినీ జనాలు. ఈ సినిమాకు గెస్ట్ గా పవన్ కళ్యాణ్ వస్తున్నాడనే వార్తలు వచ్చాయి. అయితే ఆ రోజు పవన్ రాలేక పోవడంతోనే ఈ సినిమా ఆడియోను వాయిదా వేశారని అంటున్నారు. మరి ఆరోజు అయినా ఈ ఆడియో విడుదల అవుతుందో లేదో చూడాలి.