రాణా ఛాన్స్ ని చైతూ కొట్టేశాడు

Posted: 06/29/2013 10:59 AM IST

మూవీ మొగల్ రామానాయుడు అన్ని జాతీయ భాషల్లో సినిమాలు నిర్మించిన నిర్మాతగా ఖ్యాతికెక్కిన విషయం తెలిసిందే. ఇటీవల పంజాబీలో ‘సింగ్ వర్సెస్ కౌర్ ’ చిత్రాన్ని నిర్మించి ఘన విజయం సాధించిన విషయం తెలిసిందే. అయితే ఈ సినిమాను తెలుగులో తన మనవడు అయిన రాణాతో రీమేక్ చేస్తానని చెప్పాడు. కానీ అనూహ్యంగా ఈ సినిమా నుండి రాణాను తీసేసి, నాగచైతన్యతో చేయడానికి సన్నాహాలు చేస్తున్నాడు. తన సొంత నిర్మాణ సంస్థ అయిన సురేష్ ప్రొడక్షన్ బ్యానర్ పై నిర్మించే ఈ రీమేక్ లో నాగచైతన్య హీరోగా నటించబోతున్నాడు. రాణా ప్రస్తుతం రాజమౌళి బహుబలి, గుణశేఖర్ రాణిరుద్రమలో బిజీగా ఉండటం వల్ల డేట్లు కుదరక పోవడంతో రాణాను ప్రక్కన పెట్టి, తన కూతురు కొడుకు అయిన నాగచైతన్యతో ఈ చిత్రం చేయబోతున్నాడు. ఈ సంవత్సరంలోనే ఈ ప్రాజెక్టు పట్టాలెక్కబోతుందట. దీనికి ఎవరు దర్శకత్వం వహిస్తారు, హీరోయిన్ ఎవరు అనే విషయాలు త్వరలో వెల్లడించనున్నట్లు సమాచారం. అయితే సినీ జనాలు మాత్రం కొడుకు కొడుకుని ప్రక్కకు పెట్టి, కూతురు కొడుకొని దగ్గరికి తీస్తున్నాడని అనుకుంటున్నారు.