తల్లి కావాలనే కోరిక కలిగిందట

Posted: 06/15/2013 10:43 AM IST

టాలీవుడ్ లో లక్కీగాళ్ అయిన హీరోయిన్ సమంతా పేరు ఈ మధ్య వార్తల్లో నిత్యం వినిపిస్తుంది. ఇప్పటికే అందరికన్నా బిజీ హీరోయిన్ గా ఉంటూ, దాదాపు రెండు సంవత్సరాల వరకు ఖాళీ లేకుండా సినిమాలు కమీట్ అయిన ఈ అమ్మడు హీరో సిద్దార్థను పెళ్ళి చేసుకోబోతుందనే వార్తలు కూడా వచ్చాయి. వీరిద్దరు పీకల్లోతు ప్రేమలో మునిగితేలుతున్నారనే వార్త ప్రచారంలో ఉంది. అయితే బిజీ షెడ్యూల్ కారణంగా పెళ్లిని వాయిదా వేస్తుందని అంటున్నారు. ఈ మధ్య సమంతా ఓ సినిమాలో చిన్న పిల్లాడితో కలిసి నటించింది. చిత్రీకరణ సమయంలో ఆ పిల్లాడితో సమంతా కాసేపు గడిపింది. ఈ విషయం పై సమంతా ట్వీట్ చేస్తూ ఆ పిల్లాడితో ఉన్నంత సేపు తనకు అమ్మలాగా ఫీలింగ్ కలిగిందని, షూటింగ్ అయిపోయిన తరువాత ఆ పిల్లాడ్ని వదిలిపెట్టాలంటే అదోలా అనిపించిందని చెప్పుకొచ్చింది.

ఈ విషయం విన్న టాలీవుడ్ జనాలు ఈమెకు తల్లి కావాలనే తొందర బాగానే ఉందని, అలాంటప్పుడు సిద్దార్థను పెళ్లి చేసుకొని ఆ ముచ్చటేదో తీర్చుకోవచ్చు కదా అని అంటున్నారు. ఈ ట్వీట్స్ పై దర్శకుడు హరీష్ శంకర్ తనదైన శైలిలో కామెంట్ చేశాడు. సమంతా త్వరగా పెళ్లి చేసుకొని విడాకులు తీసుకుంటే డ్యాన్స్ చేయాలని ఉందని తెలిపాడు. దీంతో కాస్తంత గట్టిగానే రిప్లై ఇస్తూ తనకు ఇప్పుడే పెళ్లి చేసుకోవాలని లేదని చెప్పింది.