ఈయన పవర్ గురించి తెలియాలంటే...

Posted: 06/15/2013 07:58 PM IST

టాలీవుడ్ లో పవన్ కళ్యాణ్ సినిమా షూటింగులో ఉండగానే, ప్రతి అభిమానికి ఆ సినిమా పై విపరీతమైన క్రేజ్ ఉంటుంది. ఇక ఆయన ఓ స్టార్ డైరెక్టర్ దర్శకత్వంలో చేస్తున్నాడంటే ఆ సినిమా పై క్రేజ్ రెండింతలు ఉంటుంది. ప్రస్తుతం ఆయన నటిస్తున్న సినిమా పరిస్థితి కూడా అదే. ఎందుకంటే ఆయన మాటల మాంత్రికుడు త్రివిక్రమ్ దర్శకత్వంలో ‘అత్తారింటికి దారేది ’ అనే సినిమాలో నటిస్తున్నాడు. అయితే ఈ సినిమాకు సంబంధించిన ఓ డైలాగ్ వెబ్ మీడియాలో హల్ చల్ చేస్తుంది. త్రివిక్రమ్ రాసిన ఆ డైలాగ్ కి పవన్ పవర్ తోడవ్వడంతో జనాల్ని, నెటిజన్స్ ని తెగ ఆకట్టుకుంటుంది. విలన్ కి హీరోకి మధ్య సాగే ఈ డైలాగ్ ఏంటేంటే....

విలన్ : యేరా... అడ్డంగా వచ్చి ఆడుకోవడానికి నువ్వేమైనా పోటుగాడివా ? నేనెవరో తెలుసా ? నా పవరేంటో తెలుసా ?

పవన్ : పవర్ గురించి నాతో మాట్లాడుతున్నావా...? నా పవర్ గురించి అదిగో వాళ్ళని అడుగు... వాళ్ళు చెబుతారు.. (ఆడియన్స్ వైపు చేయి చూపిస్తూ) అయినా నీలాంటి వాడు స్ట్రీట్ కి ఒక్కడుంటాడు.... కానీ నాలాంటి వాడుస్టేట్ కి ఒక్కడు ఉంటాడు

అని చెప్పే డైలాగ్ జనం ఈలలు వేడయం ఖాయం అని సినీ వర్గాల సమచారం. అంతే కాకుండా ఇలాంటి డైలాగులు బోలెడన్నీ ఉన్నాయట. అయితే కొంత మంది మాత్రం సినిమా పై హైప్ క్రియేట్ చేయడానికే ఇలాంటి డైలాగులు విడుదల చేస్తున్నారని, మొన్నటికి మొన్న మహేష్ సినిమాకు సంబంధించి కూడా ఇలానే చేశారని అంటున్నారు. ఇక ఈ సినిమాను ఆగష్టులో విడుదల చేయడానికి సన్నాహాలు చేస్తున్నారు.