ప్రభాస్ పారితోషికం 20 కోట్లా ?

Posted: 05/24/2013 11:01 AM IST

టాలీవుడ్ టాప్ హీరోల పారితోషికం ఎంతా ? ఏ హీరో ఎక్కువ పారితోషికం తీసుకుంటున్నాడు ? అంటే ఆ మధ్య జూనియర్ ఎన్టీఆర్ 12 కోట్లు తీసుకుంటున్నాడని, మహేష్ బాబు 14 కోట్లు తీసుకుంటున్నాడని, పవన్ కళ్యాణ్ 12 కోట్లకు పైగానే తీసుకుంటున్నాడని, ఈ మధ్య రామ్ చరణ్ కి బండ్ల గణేష్ 17 కోట్లు ఆఫర్ చేశాడని ఇలా రకరకాల వార్తలు వినిపించాయి. తాజాగా వీరందరిని మించే పారితోషికం ప్రభాస్ తీసుకుంటున్నాడని సినిమా వర్గాల టాక్. ప్రభాస్ ప్రస్తుతం చేస్తున్న ‘బహుబలి ’ సినిమా కోసం ఏకంగా 20 కోట్ల పారితోషికం డిమాండ్ చేశాడని, అంత ఇచ్చేందుకు కూడా నిర్మాతలు ఓప్పేసుకున్నారని అంటున్నారు. మరి ఇంత ఇవ్వడానికి కూడా కొన్ని కారణాలు ఉన్నాయని అంటున్నారు. ఈ సినిమా పూర్తి కావడానికి దాదాపు రెండేళ్ళు పడుతుంది. అంత వరకు వేరే సినిమాలు ఒప్పుకోకుండా ముందే మాట తీసుకున్నాడు రాజమౌళి. అందుకే ప్రభాస్ ఇంత డిమాండ్ చేసినా నిర్మాతలు ఇచ్చేందుకు సిద్దపడ్డారని అంటున్నారు. ఆ మధ్య ప్రభాస్ నటించిన ‘మిర్చి ’సినిమా మంచి హిట్ కావడంతో కలెక్షన్ల పరంగా, ఓవర్సీస్ పరంగా భారీ రేటు పలకడంతో, ఈ సినిమాకు పారితోషికం తీసుకోకుండా ఈ సినిమా ఓవర్సీస్ రేటు అడిగాడని కూడా వార్తలు వచ్చాయి. అయితే నిర్మాతలు ఓవర్సీస్ రైట్స్ ఇవ్వకుండా 20 కోట్లు ఇస్తున్నారట. ఏది ఏమైనా ప్రభాస్ టాలీవుడ్ లో 20 కోట్లు తీసుకుంటున్న హీరోగా రికార్డులకెక్కాడని అంటున్నారు.