విశ్వరూపం తరహాలో ‘బహుబలి ’

Posted: 05/10/2013 08:42 PM IST

ప్రముఖ దర్శకుడిగా పేరుతెచ్చుకొని తిరుగులేని విజయాల పరంపరను కొనసాగిస్తున్న దర్శకధీరుడు రాజమౌళి తెలుగు సినిమా ఇండస్ట్రిలోనే భారీ బడ్జెట్ తో, భారీ తారాగణంతో ‘బహుబలి ’ సినిమాను రూపొందించడానికి సిద్ధమై, సినిమా ప్రారంభానికి ముహూర్తం కూడా పెట్టిన విషయం తెలిసిందే. ఈ సినిమా ఈనెల 14వ తారీఖున మొదలు కాబోతుంది. అయితే ఈ సినిమా ఇంకా మొదలు కానేకాలేదు కానీ.... అప్పుడే ఈ సినిమాకు సీక్వెల్ కూడా ఉండబోతుందని సినిమా వర్గాల్లో టాక్. దీనికి కారణం ఏంటంటే.... రాజమౌళి రాసుకున్న కథ చాలా పెద్దదిగా ఉండటమే కారణమట. దీంతో ఈ సినిమాను రెండు పార్టులుగా చేద్దామనే ఆలోచనలో ఉన్నారట. ఒకవేళ కథను తగ్గించి తీద్దామంటే సినిమా మొత్తం దెబ్బతింటుందని ఆలోచిస్తున్నాడట. దీంతో ఈ సినిమాను ఇప్పటికే వచ్చిన రక్తచరిత్ర, కమల్ విశ్వరూపం లాగా రెండు భాగాలుగా చేసి విడుదల చేసే ఆలోచనలో ఉన్నారట. ఈ విషయంలో నిర్ణయం తీసుకోవడంలో రాజమౌళి తర్జనభర్జన పడుతున్నారట. మ ఈ సినిమా ఒకే పార్ట్ ఉంటుందా ? రెండో పార్టుగా విడగొడతారనే అనే విషయం పై త్వరలో క్లారిటీ వచ్చే అవకాశం ఉందని అంటున్నారు ఆ చిత్ర యూనిట్. మరి దర్శకధీరుడు ఏ నిర్ణయం తీసుకుంటాడో చూడాలి.