సోనాక్షి సిన్హా పవన్ కళ్యాణ్ తో

Posted: 05/07/2013 10:06 PM IST

ప్రస్తుతం సినిమా ఇండస్ట్రీలో మన టాలీవుడ్ నుండి బాలీవుడ్ కి భామలు ఎక్స్ పోర్ట్ అవుతుంటే అక్కడి వారు ఇక్కడికి ఇంపోర్ట్ అవుతున్నారు. కథానాయికలు కూడా భాషా భేధం లేకుండా నటించడానికి గ్రీన్ సిగ్నల్ ఇచ్చేస్తున్నారు. ఇప్పటికే ప్రియాంక్ చోప్రా, పరిణితి చోప్రా లాంటి వాళ్ళు తెలుగులో నటిస్తున్నారు. ఇప్పుడు వీరి సరసన సోనాక్షి సిన్హా వచ్చి చేరబోతుందని సమాచారం. బాలీవుడ్ లో అనతి కాలంలో స్టార్ డమ్ ని సంపాదించుకున్న సోనాక్షి సిన్హా త్వరలో పవన్ కళ్యాణ్ నటించబోయే గబ్బర్ సింగ్ -2 సినిమాలో హీరోయిన్ గా తీసుకున్నట్లు వార్తలు. ఈ మేరకు ఆమెతో చర్చలు కూడా జరిపాడట దర్శకుడు సంపత్ నంది. మొదట కాజల్ ని తీసుకుందామనుకున్న సంపత్ నంది ఆమెతో కుదరక పోవడంతో ఈమెను సంప్రదిచాడట. ఒకవేళ ఈమెతో రేటు, డేటు కుదిరితే త్వరలోనే అధికారిక ప్రకటన చేస్తారని సమాచారం. ఇక ఈ సినిమాని జూన్ రెండో వారంలో సెట్స్ పైకి తీసుకెళ్ళేందుకు సన్నాహాలు చేస్తున్నారు. ఏది ఏమైనా సోనాక్షి అందాలు తెలుగు ప్రేక్షకులకు కనువిందు కాబోతున్నాయన్న మాట.