Posted: 03/28/2013 11:51 AM IST

టాలీవుడ్ స్టైలిష్ స్టార్  అల్లు అర్జున్  పది సంవత్సరాల సుదీర్ఘ ప్రయాణం సాగించారు.  సినిమా రంగంలోకి  అడుగుపెట్టిన  అల్లు అర్జున్   జీవితంలో  గడిచినపోయిన  పదేళ్ల ప్రయాణంలో .. ఎన్నో మలుపులు, మరెన్నో తీపి గుర్తులు,  చేదు జ్నపకాలు   జరిగాయి.  కానీ పదేళ్లు జులాయిగా .. ఆడుతూ పాడుతూ  గడిపినట్లుగా ఉందని  అల్లు అర్జున్  చెబుతున్నారు.  2001 లో  రాఘవేంద్ర రావు  దర్శకత్వంలో ‘గంగోత్రి’ సినిమాలో హీరోగా పరిచయం అయ్యాడు  అల్లు అర్జున్.  తాతగారి అనుభవం,  మామయ్య అండతో.. వెండితెరపై అడుగుపెట్టిన అల్లు అర్జున్.  మెగా ఫ్యామిలికి మంచి గుర్తింపు తెచ్చాడనే చెప్పాలి. అల్లు అర్జున్‌ తను అస్సలు హీరో అవ్వాలనుకోలేదని కేవలం తనో పియానో టీచర్‌ ని కావాలనుకున్నానని బలంగా ఉండేదని చెబుతున్నారు. ‘గంగోత్రి’తో మొదలుపెట్టి... ‘జులాయి’ వరకూ అల్లు అర్జున్‌ సినీ కెరీర్‌లో పదేళ్ళ ప్రస్థానం పూర్తయింది.

 

‘నేను పియానో టీచర్‌ని కావాలనుకునేవాడిని.. తర్వాత మార్షల్‌ ఆర్ట్‌‌స టీచర్‌ అవ్వాలనుకున్నాను. చివరికి యానిమేషన్‌ అభ్యసించి, ఇదిగో ఇలా సినిమాల్లోకి రావాలని నిశ్చయించుకున్నాను. అయితే పదేళ్లుగా  సినిమాలతో  డేటింగ్ చేస్తున్నట్లుగా ఉందని జులాయి జోక్ చేశారు.  డేటింగ్ అంటే  సహజంగా  ఒక అమ్మాయితో  చేస్తారు కదా.  బన్నీ  మాత్రం సినిమాలతో  డేటింగ్ చేసినట్లు గా ఉందని చెప్పటంతో   అభిమానులు ఆశ్చర్యపోయారు.  ఇప్పుడు ప్రస్తుతం ఇద్దరమ్మాయిలతో  డేటింగ్ చేస్తున్న విషయం తెలిసిందే.  నేను జిమ్నాస్ట్‌ను కూడా అయినందువల్ల డ్యాన్స్‌ ఇంకా సులువు అయ్యింది. ఫైనల్‌ గా విజయం అనేది గమ్యమేగానీ ప్రయాణం కాదు.. నా గమ్యాన్ని ఇంకా చేరుకోవాల్సి ఉంది. మొదటి ఏడాది నుంచి 10 సంవత్సరాలు పూర్తి చేసుకోవడమంటే ఒకటి పక్కన సున్నా చేరింది. ఈ ప్రయాణం ఒక మంచి అనుభూతినిచ్చింది.. ఎలా అన్నది వర్ణించడం కష్టంమని .. జులాయి నవ్వుతూ  చెబుతున్నారు.