Posted: 03/20/2013 05:37 PM IST

మంచు మనోజ్ ప్రేక్షకుల ముందు కు త్వరలో ‘పోటుగాడు ’ గా రాబోతున్నాడు. గత కొంత కాలం నుండి సరైన హిట్ లేక సతమతం అవుతున్న మనోజ్ ఇక చిత్రాల స్పీడ్ పెంచాలని భావించినట్లు ఉన్నాడు. అందుకే కొత్త దర్శకులకు కూడా అవకాశాలు ఇస్తున్నాడు. ఈ చిత్రానికి పవన్ అనే కొత్త దర్శకుడు పరిచయం కాడోతున్నాడు. లగడపాటి శ్రీధర్, శిరీష కలిసి సంయుక్తంగా రామలక్ష్మీ మూవీ బేనరుపై నిర్మించే ఈ సినిమా మనోజ్ కెరియర్లోనే భారీ బడ్జెట్ చిత్రం. ఈ చిత్రంలో మనోజ్‌ సరసన నలుగురు హీరోయిన్స్ ఉంటారు. ఓ హీరోయిన్ గా సాక్షి చౌదరి ఎంపికైంది. ఈ నెలలోనే షూటింగ్ మొదలవుతుంది. సినిమా ఆద్యంతం ఫ్యామిలీ ఎంటర్ టైనర్ గా మలచేందుకు స్క్రిప్టు సిద్ధం చేసుకున్నాడు దర్శకుడు. ఈ చిత్రం తరువాత మంచు విష్ణుకు హిట్ ఇచ్చిన జి. నాగేశ్వర్ రెడ్డి దర్శకత్వంలో కూడా ఓ సినిమా చేసేందుకు కూడా మనోజ్ సిద్ధం అవుతున్నాడు. మరి వరుస సినిమాకు కమీట్ అవుతున్న మనోజ్ ‘పోటుగాడి ’ లాగా ప్రేక్షకుల ముందు నిలబడతాడో లేదో చూడాలి.