Posted: 03/15/2013 07:47 PM IST

బాలీవుడ్ నటులు అజేయ్ దేవగన్, అభిషేక్ బచ్చన్ కలిసి నటించిన సూపర్ హిట్ చిత్రం ‘బోల్ బచ్చన్ ’ సినిమాని  తెలుగు రీమేక్ లో విక్టరీ వెంకటేష్, రామ్ లు కలిసి నటిస్తున్న విషయం తెలసిందే. టాలీవుడ్ నిర్మాత డి. సురేష్ బాబు, స్రవంతి రవికిషోర్ కలిసి సంయుక్తంగా నిర్మిస్తున్న ఈ సినిమాలో వెంకటేస్ సరసన ఇప్పటికే ‘అంజలిని ’ తీసుకున్నారు. ఇక రామ్ సరసన నటించడానికి రామ్ చరణ్ సరసన నటించిన ‘షాజన్ పదాంసీని ’ ఎంపిక చేసినట్లు సమాచారం.  "ఆరెంజ్‌"  ఫ్లాష్ బ్యాక్ లో చరణ్ సరసన కనిపించే నాయిక షాజన్‌ పదంసీ. ఆ తర్వాత తెలుగులో డైరెక్ట్‌ గా కనిపించకపోయినా "లవ్ జర్నీ" అనే తమిళ డబ్బింగ్‌ చిత్రంతో తెలుగు ప్రేక్షకుల ముందుకు వచ్చింది. ఈ చిత్రానికి “సర్వేజనా సుఖినోభవంతు” అన్న టైటిల్ ఖరారు చేసినట్లు సమాచారం. ‘ఫ్లీజ్ స్మైల్’ అనేది ట్యాగ్ లైన్ గా నిర్ణయించారు. ఈ చిత్రానికి సంబంధించిన పూజా కార్యక్రమాలు ఈ మధ్యనే జరిగిన విషయం తెలిసిందే.