Posted: 03/15/2013 03:24 PM IST

బాలీవుడ్ అందాల సుందరి అనుష్క శర్మకు అద్రుష్టం తలుపు  తట్టింది. అనతి కాలంలోనే స్టార్ హీరోయిన్ గా పేరు తెచ్చుకున్న ఈ అమ్మడు త్వరలో టైటానిక్, అవతార్ లాంటి చిత్రాలు నిర్మించి, ఆస్కార్ అవార్డులు గెలుచుకున్న స్టీఫెన్ స్పీల్ బర్గ్ చేయబోయే సినిమాలో హీరోయిన్ గా ఎంపికైందని బాలీవుడ్ వర్గాల సమాచారం. ఇటీవల ప్రముఖ పారిశ్రామిక వేత్త, రిలయన్స్ ఎంటర్ టైన్మెంట్స్ అధినేత ఆహ్వానం మేరకు ఇండియా వచ్చిన ఆయన తన బాలీవుడ్ బిగ్ బి అమితాబ్ బచ్చన్ తో జరిగిన ఓ ఇంటర్వ్యూలో దాయాది దేశాలైన భారత్-పాకిస్థాన్ మధ్య గత కొన్నేళ్లుగా రగులుతున్న కాశ్మీర్ సమస్యపై సినిమా ఉంటుందని, దీనికి సంబంధించిన కథ చివరిదశకు వచ్చింది, త్వరలో దీనిని సెట్స్ పైకి తీసుకువెళతానని ప్రకటించాడు. అయితే ఈ సినిమాలో లేడీ క్యారెక్టర్ రోల్ కి అనుష్కను తీసుకోబోతున్నట్లు బాలీవుడ్ వర్గాల సమాచారం. ఒకవేళ ఇదే నిజమైతే అనుష్క పంటపండినట్లేనని,  హాలీవుడ్ స్టార్స్ డేంజల్ వాషింగ్టన్, రిచర్డ్ గేర్, బ్రాడ్లీ కూపర్ లాంటి వాళ్లతో కలిసి పని చేసే అవకాశం దక్కనుందని అంటున్నారు. దీని పై పూర్తి క్లారిటీ రావాలంటే...  స్పీల్‌బర్గ్ అఫీషియల్ స్టేట్‌మెంట్ ఇవ్వాల్సిందే అంటున్నారు. ప్రస్తుతం అనుష్క శర్మ పలు బాలీవుడ్ చిత్రాల్లో నటిస్తూ బిజీగా గడుపుతోంది.