Posted: 03/08/2013 12:56 PM IST

కమేడియన్ స్టాయి నుండి హీరో స్థాయికి ఎదిగి తనకంటూ ఓ ప్రత్యేకమైన గుర్తింపు తెచ్చుకుంటున్న సునీల్ త్వరలో ఓ కొత్త గెటప్ లో ‘భీమవరం బుల్లోడు ’గా కనిపించబోతున్నాడు. ఈయనను త్వరలో నటించబోతున్న సినిమాకి ఈ పేరును ఖరారు చేసినట్లు సినీ వర్గాల సమాచారం. గతంలో కలిసిందాం రా వంటి ప్రేమ కథా చిత్రాలను డైరెక్ట్ చేసిన తమిళ దర్శకుడు ఉదయ్ శంకర్ ఈ సినిమాని డైరెక్ట్ చేయబోతున్నాడు. ఈ సినిమాని ప్రముఖ నిర్మాణ సంస్థ అయిన సురేష్ ప్రొడక్షన్ నిర్మించబోతుంది. సునీల్ సరసన ఎస్తర్ కొత్త అమ్మాయిని ఎంపిక చేశారు. ఈమె గతంలో సాయిరాం శకంర్ సరసన నటించింది. ఇక ఈ సినిమా గురించి సురేష్ బాబు మాట్లాడుతూ.... ఎప్పటి నుండో సునీల్ తో సినిమా చేయాలని అనుకుంటున్నాం. కానీ ఇన్నాళ్లకు కుదిరింది. ఖచ్చితంగా ఈ సినిమా పెద్ద హిట్ అవుతుందని అన్నారు. సునీల్ మాట్లాడుతూ ‘ సురేష్ ప్రొడక్షన్స్ లో చాలా సినిమాల్లో నటించాను. హీరోగా ఈ బ్యానర్లో నాకు అవకాశం రావడం చాలా ఆనందంగా ఉంది. ఈ సినిమా ప్రేక్షకులకు ఫుల్ మీల్స్ విత్ పాన్, ఐస్ క్రీమ్ లా ఉంటుందని, నా సినిమాల్లో ప్రేక్షకులు కోరుకునే అన్ని అంశాలు ఇందులో ఉంటాయన్నారు. మరి ‘భీమవరం బుల్లోడు ’ సునీల్ ఎంత వరకు అలరిస్తాడో చూడాలి.