Posted: 01/28/2013 11:05 AM IST

 

       ఎన్నో ఆశలు పెట్టుకుని చేసిన 'లైఫ్‌ ఈజ్‌ బ్యూటిఫుల్‌' అంతందంగా లేకపోవటంతో పద్దతైన డైరెక్టర్ తన పద్దతి మార్చుకున్నాడు. ఇంతవరకూ ఏడాదికో, రెండేళ్ళకో ఓ సినిమా చేస్తున్న శేఖర్‌ కమ్ముల ఇక నుంచి త్వరితగతిన సినిమాలు పూర్తి చేయలనే డిసైడయ్యాడు. ఆ మధ్య శేఖర్ దర్శకత్వం వహించిన 'లైఫ్‌ ఈజ్‌ బ్యూటిఫుల్‌' చిత్రం 'హ్యాపీడేస్‌' లాగానే ఉందనే విమర్శలు వచ్చాయి. ఈ విషయాన్ని కూడా దృష్టిలో పెట్టుకుని తన తదుపరి చిత్రాన్ని వినూత్నంగా, విభిన్న కథ కథనంతో తెరకెక్కించేందుకు రంగం సిద్ధం చేసుకుంటున్నాడు.
      ఇందులో భాగంగా శేఖర్ చూపు బాలీవుడ్‌ 'కహాని'పై పడింది. విద్యాబాలన్‌ హీరోయిన్‌గా నటించిన ఈ చిత్రం ఘనవిజయాన్ని సాధించింది. 10 కోట్లతో తీసిన ఈ సినిమా 100 కోట్ల వసూళ్ళ వర్షం కురిపించింది. దాంతో ఈ సినిమా హక్కులు పంది రీమేక్‌ చేయడానికి ప్రయత్నాలు చేస్తున్నాడు శేఖర్ కమ్ముల.
      ఇంతకీ ఈ చిత్ర కథాంశం ఏంటంటే.. భర్త ఆచూకీ కోసం మహానగరంలో అడుగుపెట్టిన నిండుగర్భిని అగచాట్లే ఈ మూవీ ఇందులో విద్యా తన నటనతో విమర్శకులను సైతం మెప్పిస్తే, ఇప్పుడు ఆ పాత్రలో నయనతార కన్పించబోతోంది.
       మళ్లీ ఈ చిత్రాన్ని శేఖర్‌ కమ్ముల తెలుగులో పునర్నిర్మిస్తున్నారు. ప్రధాన కథాంశం మాత్రమే తీసుకుని కథనాన్ని తనదైన రీతిన నడిపించేందుకు కమ్ముల స్క్రిప్ట్ సిద్ధంచేసుకున్నాడు. మార్చిలో షూటింగ్‌ మొదలుకాబోతుంది. 

...avnk