Posted: 01/21/2013 04:05 PM IST

       మన పక్కింటి కుర్రాడిలా వెండితెరమీద కనిపిస్తూ చకచకా టాలీవుడ్లోనేకాదు అన్నింటా అవకాశాలు అందుకుంటున్నాడు యంగ్ హీరో నాని. ఇప్పుడీ యంగ్ హీరో నిజం కోసం పోరాడనున్నాడు. దేవా కట్టా దర్శకత్వంలో నిజానికున్న శక్తెంతో వెండితెరపై చూపించడానికి సిద్ధమయ్యాడు. 'అబద్ధానికే అంత దమ్ముంటే.. నిజానికి ఇంకెంత దమ్ముండాలి' అనే లైన్ చుట్టూ అల్లుకున్న కథతో, నాని హీరోగా దేవా కట్టా ఓ సినిమా రూపొందిస్తున్నాడు.
         'పైసా', 'జెండాపై కపిరాజు' సినిమాల తరువాత నాని ఈ సినిమా చేయనున్నాడు. గతంలో 'వెన్నెల', 'ప్రస్థానం' వంటి విజయవంతమైన సినిమాలు చేసిన దేవా, ప్రస్తుతం నాగచైతన్య, సమంతా జంటగా 'ఆటోనగర్ సూర్య' సినిమా రూపొందిస్తున్న సంగతి తెలిసిందే.

...avnk