Posted: 01/19/2013 03:37 PM IST

        ఎనర్జిటిక్ హీరో రామ్‌, కృతిబర్బంద జంటగా భాస్కర్‌ దర్శకత్వంలో శ్రీవెంకటేశ్వర సినీచిత్ర పతాకంపై బివిఎస్‌ఎన్‌. ప్రసాద్‌ నిర్మించిన చిత్రం 'ఒంగోలు గిత్త'. ఇటీవలే ఈ చిత్ర గీతాలు విడుదలయ్యాయి. ఈ సందర్భంలో దర్శకధీరుడు రాజమౌళి కొన్ని ఆసక్తికర విషయాలు ప్రస్తావించారు. 'తెలుగు జానపద కళాకారుల్ని ప్రోత్సహిస్తూ.. 'ఒంగోలు గిత్త'లో ఓ జానపదగీతాన్ని రూపొందించడం కొత్త ఒరవడికి నాంది పలికారు. విక్రమార్కుడులో ఇన్‌స్పెక్టర్‌ పాత్రకి పండు మిరపకాయల సీన్‌ ఒకటుంది. దానిని రెండు రోజులు చిత్రించాం. 10 అడుగుల దూరానికే కళ్లు, ఒళ్లు మండేవి. అలాంటిది ఈ యూనిట్‌ ఏకంగా మిర్చియార్డ్‌ లోనే షూటింగ్‌కు దిగింది. పైగా 21రోజుల చిత్రీకరణ. దర్శకుడైతే మూతికి గుడ్డ కట్టుకోవచ్చు. నటించేవానికి చాలా కష్టం. ఘాటు పీల్చాలి. మంట భరించాలి. అదంతా ముఖకవళికలు, హావభావాల్లో కన్పించడకుండా జాగ్రత్తపడాలి. ఏమీ కాలేదన్నట్టు ప్రవర్తించాలి. రామ్‌ మిరపకారం కాబట్టే చేసేశాడు. ఈ టైటిల్‌కు కూడా అతనికి బాగా సరిపోయింది. సినిమా హిట్‌ కావాలి' అని ఎస్‌.ఎస్‌.రాజమౌళి ఆకాంక్షించారు.
         మణిశర్మ రీరికార్డింగ్‌..  వనమాలి జానపదగీతాన్నిచాలా సరళంగా రాశారు. ఇప్పటి వరకూ రామ్ చేసిన సినిమల్లో ఊరమాస్‌ ఇదే అని చెప్పబడుతోన్న ఈ మూవీకి  భాస్కరభట్ల ఓ మాస్‌ పాటను రాశారు. వనమాలి సింగిల్‌కార్డ్‌ లా రాశారు. త్వరలోనే ఈ మూవీ ప్రేక్షకులముందుకు రాబోతోంది.

...avnk