Posted: 12/25/2012 06:28 PM IST

జూనియర్ ఎన్టీఆర్ ‘దమ్ము ’ సినిమా డిజాస్టర్ తరువాత ఓ భారీ హిట్ కోసం గతంలో సూపర్ డూపర్ హిట్ లు ఇచ్చిన దర్శకులతో సినిమాలు చేయడానికి ఆసక్తి చూపిస్తున్నాడు. మహేష్ సూపర్ హిట్ ఇచ్చిన శీను వైట్లతో ప్రస్తుతం ‘బాద్షా ’ సినిమా చేస్తూ బిజీగా ఉన్నాడు. ఇక అలాగే ఈ సినిమా తరువాత గబ్బర్ సింగ్ దర్శకుడు హరీశంకర్ దర్శకత్వంలో ఓ సినిమాకి కమీట్ అయ్యాడు. ఇవే కాకుండా హీరో రామ్ కి హిట్ ఇచ్చిన ‘కందిరీగ ’ డైరెక్టర్ సంతోష్ శ్రీనివాసన్ తో ఓ సినిమాకి కమీట్ అయ్యాడు. ఇక ఈ సినిమాకి టైటిల్ ని ఖరారు చేసినట్లు వార్తలు వస్తున్నాయి. వీరిద్దరి కాంబినేషన్లో వస్తున్న సినిమాకి ‘రభస’ అనే టైటిల్ ని ఖరారు చేశారట. బెల్లంకొండ సురేష్ ఈ చిత్రాన్ని నిర్మించనున్నారు. సమంతా హీరోయిన్ గా ఇప్పటికే సెలక్ట్ అయింది. ఈ టైటిల్ని బట్టి ఇది పక్కా మాస్, యాక్షన్ సినిమా అన్న సంగతి మనకు చెప్పకనే చెబుతోంది. హరీశ్ శంకర్ సినిమాతో పాటే ఈ సినిమా కూడా సెట్స్ కి వెళుతుందని వార్తలు. మరి ఎన్టీఆర్ ఈ సినిమాతో టాలీవుడ్ లో ఎంత ‘రభస’ చేస్తాడో చూడాలి.