Posted: 12/17/2012 06:25 PM IST

ప్రముఖ కొరియోగ్రాఫర్, నటుడు, దర్శకుడు అయిన లాఘవ లారెన్స్ ఈ మధ్యన టాలీవుడ్ రెబల్ స్టార్ అయిన ప్రభాస్ తో ‘రెబల్ ’ సినిమా తీసి చేతులు కాల్చుకున్న విషయం తెలిసిందే. ఆ సినిమా చేదు అనుభవాలు లారెన్స్ ని ఇప్పటికీ వదడం లేదు. చాలా హైప్ క్రియేట్ చేసి, చాలా కాలం సాగదీసి చివరకు రెండేళ్ళ తరువాత విడుదలయిన ప్రభాస్ ‘రెబల్ ’ బాక్సాఫీసు వద్ద బోల్తా పడిన విషయం తెలిసిందే. నిజానికి లారెన్స్ ఈ సినిమాను 22 కోట్లతో పూర్తి చేస్తానని నిర్మాతలైన జె. భగవాన్ - పుల్లారావులను రంగంలోకి దింపాడు. ఆడుతూ పాడుతూ ఈ సినిమాను దాదాపు రెండేళ్ళు తీసి, బడ్జెట్టును 44 కోట్లకి చేర్చాడు. ఈ సినిమా ప్రొడ్యూసర్లను నిలువునా ముంచింది. దీంతో పెట్టిన డబ్బులు కూడా రాకపోవడంతో లారెన్స్  తీరు పై సదరు నిర్మాతలు నిర్మాతల మండలి దృష్టికి తీసుకు వెళ్లి తమకి న్యాయం జరిగేలా చూడమని కోరారు. దాంతో నిర్మాతల మండలి ఓ కమిటీని ఏర్పాటు చేసి, ఆ కమిటీ ఇచ్చిన నివేదిక ప్రకారం , లారెన్స్ నష్టానికి బాధ్యత వహిస్తూ ఇద్దరు నిర్మాతలకి కలిపి 2.5 కోట్లు నష్టపరిహారంగా చెల్లించాలని తీర్మానించింది. మరి లారెన్స్ ఆ నిర్మాతలకు డబ్బులు ఇస్తాడా లేక తాను దర్శకుల మండలి సంఘానికి ఫిర్యాదు చేస్తాడా చూడాలి.