Posted: 12/17/2012 06:30 PM IST

అక్కినేని మూడవ త్రయంగా టాలీవుడ్ లోకి ఎంట్రీ ఇచ్చిన అక్కినేని నాగార్జున కొడుకు నాగ చైతన్య తన కంటూ ఓ ప్రత్యేకమైన ఇమేజ్ ని సంపాదించుకున్నాడు. ప్రస్తుతం ఇతను ఆటోనగర్ సూర్య చిత్రంలో నటిస్తున్నాడు. ఈ చిత్రం తర్వలో విడుదల కాబోతుంది. ఇక ఇతను త్వరలో ద్విపాత్రాభినం ఉన్న ఓ క్యారెక్టర్ లో నటించబోతున్నాడని ఫిలిం నగర్ వర్గాల సమాచారం. ఈ సినిమాకి ఢమరుకం దర్శకుడు శ్రీనివాసరెడ్డి దర్శకత్వం వహించబోతున్నాడని వార్తలు. ఈ సినిమాకి సంబంధించి కథా చర్చలు జరుగుతున్నాయి. ఈ సినిమా ప్రీ ప్రొడక్షన్ కార్యక్రమాలు పూర్తి చేసుకుని 2013 జనవరిలో సెట్స్ పైకి వెళ్ళే అవకాశం ఉందని, నాగార్జున ఆస్థాన నిర్మాతగా చెప్పుకునే డి. శివప్రసాద్ రెడ్డి ఈ సినిమాని నిర్మించనున్నాడని అంటున్నారు. ఇప్పటికే అక్కినేని నాగేశ్వరరావు ‘ఇద్దరు మిత్రులు’, నాగ్ ‘హలో బ్రదర్’ సినిమాలలో ద్విపాత్రాభినయంతో ప్రేక్షకులను ఆకట్టుకున్నారు, మాస్ చిత్రాలు, క్లాస్ చిత్రాలు చేసి ప్రేక్షకులను ఆకట్టుకున్న నాగచైతన్య  ద్విపాత్రాభినయంలో ప్రేక్షకులను మెప్పిస్తాడా లేదా అనేది చూడాలి