Posted: 12/08/2012 01:01 PM IST

      డుం..డుం.. డుబుక్కు... డుం..డుం..డుబుక్కు... ‘ఏ..డే..  ఏడేడే...వయ్యారి వరుడు....,’ అనాలన్నా,  సెప్టెంబర్ మాసం.. సెప్టెంబర్ మాసం... అనాలన్నా మణిరత్నంకే చెల్లు. అతని సినిమాకే కాదు, కేవలం పాటలకే పడిచచ్చే జనాలు ఎంతోమంది. ఈ దర్శక దిగ్గజం నుంచి ఎట్టకేలకు  రాబోతున్న చిత్రం ‘కడల్’. ఈ మూవీ చిత్ర ఆడియో విడుదల తేదీ ఇవాళ ప్రకటించారు. ఆడియో డిసెంబర్ 17న విడుదల కానుంది.

          ఇటీవల విడుదల చేసిన ఈ సినిమా ఫస్ట్ లుక్ కి అశేష స్పందన వస్తోంది. ఘర్షణ హీరో కార్తీక్ కొడుకు గౌతం,  రాధా చిన్న కూతురు తులసి ఈ చిత్రం ద్వారా వెండితెరకు పరిచయం కాబోతుండటం విశేషం.  జాలర్ల బ్రతుకుల కథాంశంతో సాగే టీనేజ్ ప్రేమ కథ ఇది. లక్ష్మి మంచు మరియు అరవింద్ స్వామి కీలక పాత్రలు పోషిస్తున్నారు. గత నెల ఈ చిత్రంలోని ‘నెంజికుల్లె’ అనే పాటను ఏ ఆర్ రెహమాన్ MTV లో విడుదల చేసినప్పుడు విశేష స్పందన వచ్చింది.  ఇదే కోవలో మచ్చుకి డిసెంబర్ 10న ‘ఏలే కీచన్’ అనే పాటను విడుదల చెయ్యనున్నారు.

        రాజీవ్ మీనన్ సినిమాటోగ్రఫీ, ఎ ఆర్ రహమాన్ సంగీతం పీక్ స్టేజ్ లో ఉంటుందని కోలీవుడ్ వర్గాలు చెబుతున్నాయి.

...avnk