Posted: 12/01/2012 06:50 PM IST

        వైజయంతీ మూవీస్ సంస్థ అధినేత అశ్వినిదత్ కుమార్తె ప్రియాంక త్రీ ఏంజెల్స్ బ్యానర్ మీద నిర్మిస్తోన్న మూవీ ‘సారొచ్చారు’. ఈ సినిమా లేటెస్ట్ స్టిల్స్ కొద్దిసేపటి క్రితం రిలీజ్ చేశారు. అంతేకాదు ఆడియో ఈనెల అంటే డిసెంబర్5న , మూవీని డిసెంబర్ 21 ప్రపంచ వ్యాప్తంగా విడుదల చేస్తామని ప్రియాంక వెల్లడించారు. రవితేజ, కాజల్, రిచా గంగోపాధ్యాయ నటిస్తున్న ఈ చిత్రానికి దర్శకత్వం పరశురామ్.

 

          జులాయి, ఢమరుకం వంటి చిత్రాలు తర్వాత దేవిశ్రీప్రసాద్ అందిస్తున్న హ్యాట్రిక్ మూవీగా ఈ చిత్రం రాబోతోందని, 50 చిత్రాలను పూర్తిచేసిన ఆయన 51వ చిత్రంగా సారొచ్చారు చిత్రానికి బాణీలు అందించారని తెలిపారు. అన్ని వర్గాల ప్రేక్షకులకు నచ్చేలా రూపొందిన ఈ చిత్రం మ్యూజికల్‌గా పెద్ద హిట్ అవుతుందని నిర్మాత ప్రియాంక తెలిపారు.
       ఈనెల 21న విడుదల చేయడానికి సన్నాహాలు చేస్తున్నామని, జయసుధ, ఎమ్మెస్ నారాయణ, చంద్రమోహన్‌ల నటన చిత్రానికి హైలెట్‌గా నిలుస్తుందని దర్శకుడు పరశురామ్ తెలిపారు.
         రవిప్రకాష్, శ్రీనివాసరెడ్డి, కల్పిక తదితరులు నటిస్తున్న ఈ చిత్రానికి కెమెరా: విజయ్ కె.చక్రవర్తి, సంగీతం: దేవీశ్రీప్రసాద్, ఎడిటింగ్: కోటగిరి వెంకటేశ్వరరావు, సమర్పణ: వైజయంతి, నిర్మాత: ప్రియాంకదత్, కథ, మాటలు, స్క్రీన్‌ప్లే,దర్శకత్వం: పరశురామ్.

...avnk