Posted: 11/27/2012 03:01 PM IST

     

      రాజా కథానాయకుడిగా ఆర్.జె.ఫిలింస్ పతాకంపై ‘చౌరస్తా’ చిత్రం హైదరాబాద్ అన్నపూర్ణా స్టూడియోలో ప్రారంభమైంది. యువరాజ్ స్వీయ దర్శకత్వంలో నిర్మిస్తున్న ఈ చిత్రానికి సంబంధించిన తొలి సన్నివేశంపై జి.నాగేశ్వర్ రెడ్డి క్లాప్ ఇవ్వగా ప్రసన్నకుమార్ కెమెరా స్విచ్చాన్ చేశారు. సముద్ర తొలి సన్నివేశానికి గౌరవ దర్శకత్వాన్ని నిర్వహించారు.
        ఈ సందర్భంగా చిత్ర బ్రందం వివరాలు వెల్లడించింది.. ఓ సంఘటన నాయికా నాయకుల జీవితాలలో ఎలాంటి మార్పు తీసుకువచ్చిందీ అన్న కథాంశంతో అడవి నేపథ్యంలో ఈ చిత్రం సాగుతుందని దర్శకుడు తెలిపారు. భద్రాచలం, శ్రీశైలం అడవుల్లో రెండు షెడ్యూల్స్‌లో చిత్రం పూర్తిచేస్తామని, అందరికీ నచ్చే కథాంశంతో ఈ చిత్రం ఉంటుందన్నారు.

       తొలిసారిగా తన కెరీర్‌లో సస్పెన్స్ థ్రిల్లర్ చిత్రంలో నటించడం ఆనందంగా ఉందని హీరో రాజా తెలిపారు. కార్యక్రమంలో శృతి, రాజ్ తదితరులు పాల్గొన్నారు.
       ఆశీష్ విద్యార్థి, కాదల్ దండపాణి, టార్జాన్ తదితరులు నటిస్తున్న ఈ చిత్రానికి కెమెరా: ఆనెం వెంకట్, సంగీతం: భలె, కథ, స్క్రీన్‌ప్లే, నిర్మాత, దర్శకత్వం:యువరాజ్.  

...avnk