Posted: 11/14/2012 09:01 PM IST

'అందాల రాముడు' సినిమాతో సునీల్ ని హీరోగా మార్చిన మెగా సూపర్ గుడ్ ఫిలిమ్స్ బ్యానర్  ప్రస్తుతం ఓ చిత్రాన్ని నిర్మిస్తున్నారు. హిందీ సినిమా 'తను వెడ్స్ మను' చిత్రానికి రీమేక్ గా రూపొందుతోన్న ఈ సినిమా, ఒక పాట మినహా చిత్రీకరణను పూర్తి చేసుకుని నిర్మాణానంతర కార్యక్రమాలను జరుపుకుంటోంది. ఈసినిమాకి 'మిస్టర్ పెళ్ళికొడుకు' టైటిల్ ను తాజాగా ఖరారు చేశారు. ఈ సందర్భంగా చిత్ర నిర్మాతలు ఎం.వి. ప్రసాద్ - పారస్ జైన్ మాట్లాడుతూ, ఫ్యామిలీ ఎంటర్టైనర్ గా రూపొందిన ఈ సినిమాకి ఈ టైటిల్ సరిగ్గా సరిపోతుందని చెప్పారు.
      కథ డిమాండ్ చేసిన దానిని బట్టి ఖర్చుకి వెనుకాడకుండా, ఈ సినిమా షూటింగును ఖరీదైన లోకేషన్లలో జరిపామని అన్నారు. నాయకా నాయికలను కొత్తగా చూపించాలనే ఉద్దేశంతో, వాళ్లకి సంబంధించిన కాస్ట్యూమ్స్ ను హాంకాంగ్ నుంచి తెప్పించామని చెప్పారు. 'అందాల రాముడు' సినిమా తరహాలోనే ఈ సినిమా అన్నివర్గాల ప్రేక్షకులను అలరిస్తుందనే నమ్మకముందని అన్నారు.

...avnk