Posted: 10/15/2012 04:03 PM IST

బాలీవుడ్ ని ఒకప్పుడు తన అంద చందాలతో ఒక ఊపు ఊపిన రాణీముఖర్జీ అంటే తెలియని సినీ జనాలు ఉండరు. గత కొంత కాలం నుండి ఈమెకి అవకాశాలు అంతగా లేకపోవడంతో ఐటెంబాంబు అవతారం ఎత్తి కాలం వెళ్లదీస్తుంది. తాజాగా తన సోదరుడు అయిన రాజా ముఖర్జీ ఓ లైంగిక ఆరోపణల కింద అరెస్ట్ అయ్యాడు. వివరాల్లోకి వెళితే.... రాజా ఓ టీవీ నటిని సెక్సువల్ గా వేధించినట్లు తెలుస్తోంది. సదరు టీవీ నటి రాజా ముఖర్జీకి స్క్రిప్టు చెప్పడానికి వచ్చిందని, కారులో వెలుతూ స్క్రిప్టు విందామని చెప్పిన రాజా ముఖర్జీ ఆమెను లైంగికంగా వేధించాడని ముంబై పోలీసులు తెలిపారు. సదరు టీవీ నటి ఫిర్యాదు మేరకు పోలీసులు కేసు నమోదు చేసుకుని రాజా ముఖర్జీని అదుపులోకి తీసుకున్నారు. రాజా ముఖర్జీ టీవీ కార్యక్రమాల నిర్మాత. ప్రముఖ హీరోయిన్ సోదరుడు అయిన రాజా ముఖర్జీ అరెస్ట్ అవ్వడం ఇప్పుడు బాలీవుడ్ లో చర్చనీయాశం అయింది.