Posted: 10/01/2012 05:42 PM IST

మాటల మాంత్రికుడు త్రివిక్రమ్ శ్రీనివాస్, పవర్ స్టార్ పవన్ కళ్యాణ్ కాంబినేషన్లో రూపొందబోతున్న సినిమాలో హీరోయిన్ గా ఇలియానా ఎన్నడో ఖరారైనట్లు వార్తలు వచ్చాయి. గతంలో ఆమెను హీరోయిన్ గా పెట్టుకొని ’జల్సా ’, ‘జులాయి ’ సినిమాలు తీశాడు.. ఆ సినిమాలు  బాక్సాఫీసు వద్ద కలెక్షన్ల వర్షం కురిపించాయి. ఈ సెంటిమెంటుతోనే తన తదుపరి చిత్రంలో కూడా ఇలియానానే తీసుకోవాలని అనుకున్నాడు.

కానీ తాజాగా వచ్చిన వార్తల ప్రకారం ఈ సినిమాలో ఇలియానని తప్పించి, ‘సమంతాని  తీసుకున్నట్లు ప్రచారం జరుగుతుంది. ఇలియానని త్రివిక్రమ్ తప్పించడానికి  కూడా కొన్ని కారణాలు ఉన్నాయంటున్నారు. బక్క పల్చటి ఇలియానా ఇటీవల విడుదల అయిన సినిమా ఆడియోలకు గానీ, ప్రమోషన్ కార్యక్రమాలకు హాజరు కాకపోవడమే దీనికి కారణం అంటున్నారు. ఈ నేపథ్యంలో కాజల్ ను తీసుకుందామని ప్రయత్నిస్తే, ఆమె డేట్లు అడ్జెస్ట్ చేయలేకపోయిందనీ, అందువల్లనే సమంతాని తీసుకున్నారని చెబుతున్నారు.