Posted: 10/01/2012 05:48 PM IST

టాలీవుడ్ లో ఓటమి అంటూ ఎరగని దర్శకధీరుడిగా పేరు తెచ్చుకున్న రాజమౌళి దర్శకత్వం వహించిన ‘ఈగ’ సినిమా టాలీవుడ్ నే కాకుండా తమిళ చిత్ర పరిశ్రమలో కలెక్షన్ల వర్షం కురింపించిన విషయం తెలిసిందే. ఈగ చిత్రం తెలుగు, తమిళంలో కలిపి ఇప్పటి వరకు రూ. 130 కోట్ల చిల్లర కలెక్ట్ చేసిందని, హిందీలో కూడా  హిట్ అయితే 200 కోట్లు దాటం ఖాయమని సినిమా జనాలు అంచనాలు వేశారు. ఈ వార్తల పై స్పందిచిన రాజమౌళి ‘ఈగ ’ సినిమా 130 కోట్లు వసూలు చేయలేదని , తెలుగు, తమిళం, మళయాళం ఇలా అన్నిట్లో శాటిలైట్స్ రైట్స్ తో కలిసి  90 కోట్లు మాత్రమే వచ్చాయని  క్లారిటీ ఇచ్చారు. త్వరలో హిందీ వెర్షన్ లో విడుదల  కానున్న ఈ చిత్రాన్ని 3డిలో ఉన్నది ఉన్నట్లు తెరకెక్కిస్తున్నారు. మరి హిందీ జనాలను ‘ఈగ ’ ఎంత వరకు ఆకట్టుకుంటుందో చూడాలి.