Posted: 09/18/2012 06:58 PM IST

     నితిన్ - నిత్యామీనన్ జంటగా రూపొందనున్న తాజా చిత్రానికి ఇవాళే టైటిల్ ఖరారు చేశారు. ఈ మూవీకి 'గుండెజారి గల్లంతయ్యిందే' అనే పేరును నిర్ణయించారు. ఇటీవల సంచలన విజయాన్ని సాధించిన 'గబ్బర్ సింగ్' చిత్రంలో 'గుండెజారి గల్లంతయ్యిందే' అనే పాట బాగా పాప్యులర్ అయింది. దాంతో యూత్ నుంచి మంచి రెస్పాన్స్ వస్తుందనే ఉద్దేశంతో ఈ టైటిల్ పెట్టినట్టు చెబుతున్నారు. ఇక నితిన్ ... పవన్ కి వీరాభిమాని కాబట్టి ఈ టైటిల్ ను అతనే సూచించి ఉంటాడని కొందరు భావిస్తున్నారు. ఇటీవల నితిన్ - నిత్యా మీనన్ జంటగా గతంలో వచ్చిన 'ఇష్క్' చిత్రం అనూహ్యమైన విజయాన్ని సాధించిన సంగతి తెలిసిందే.. ఈ సినిమా ఇటు నితిన్ కి ... అటు నిత్యా మీనన్ కి కెరియర్ పరంగా మంచి ఊతాన్ని ఇచ్చింది. ఈ సినిమా లాభాల పంట పండించడంతో, ఇదే సంస్థ ఇదే జంటతో ఈ సినిమా తీయడానికి రంగాన్ని సిద్ధం చేసింది. ఈ సినిమా షూటింగ్ 'వినాయక చవితి' సందర్భంగా రేపు హైదరాబాదులో లాంఛనంగా ప్రారంభం కానుంది. ఈ కార్యక్రమాన్ని ఆర్భాటంగా నిర్వహించేందుకు సన్నాహాలు చేస్తున్నారు.

...avnk