Posted: 09/15/2012 05:59 PM IST

        సుడిగాడు చిత్రంతో సడన్ స్టారైపోయిన అల్లరి నరేష్ కెరియర్లోనే భారీ బడ్జెట్ తో రూపొందుతున్న 3D చిత్రం 'యాక్షన్'. ఇప్పుడు ఈ సినిమాలో 'ఈగ' ఫేమ్ సుదీప్ ఓ కీలకమైన పాత్రని పోషిస్తున్నాడు. కన్నడలో హీరోగా, తెలుగులో విలన్ గా తీరికలేకుండా ఉన్న సుదీప్, ఈ చిత్రంలో బాక్సింగ్ ఛాంపియన్  'మైక్ టైసన్' పాత్రలో కనిపించనున్నాడు. ఈ పాత్ర నచ్చడంతో డేట్స్ సర్దుబాటు చేసుకుని మరీ ఈ సినిమా చేస్తున్నాడని చెబుతున్నారు. హాలీవుడ్ చిత్రం 'ది హేంగోవర్' కి రీమేక్ గా ఈ చిత్రాన్ని నిర్మిస్తున్న విషయం తెలిసిందే. ఈచిత్రానికి ప్రముఖ నిర్మాత అయిన అనిల్ సుంకర తొలిసారిగా దర్శకత్వం వహించటం, అందున 3D ఫార్మేట్ లో ఈ చిత్రాన్ని రూపొందిచటం అందరిలో ఆసక్తిని రేకెత్తిస్తోంది.
    మరో విశేషమేమిటంటే.. ఒకప్పుడేకాదు, ఇప్పటికీ తన సంగీతంతో రచ్చ రచ్చ చేస్తోన్న బప్పీలహరి తనయుడు బప్పాలహరి ఈ చిత్రానికి సంగీతం అందిస్తున్నాడు.  'కిక్' ఫేమ్ శ్యాం వైభవ్, రాజు సుందరం, స్నేహా ఉల్లాల్,  కామ్నా, నీలం ఉపాధ్యాయ్ ఈ సినిమాలో ప్రధాన పాత్రలను పోషిస్తున్నారు. తెలుగు, తమిళ భాషలలో రూపొందుతోన్న ఈ సినిమా, సంక్రాంతి కానుకగా రాబోతోంది.

...avnk