Posted: 09/15/2012 05:46 PM IST

       లారెన్స్ దర్శకత్వంలో యంగ్ రెబల్ స్టార్ ప్రభాస్ నటిస్తున్న సినిమా రెబల్. ఈ సినిమా ఆడియో విడుదల వేడుక హైదరాబాద్ లో జరిగింది. ఈ కార్యక్రమం లో కృష్ణం రాజు, ప్రభాస్, లారెన్స్, రాజమౌళి, దీక్షాసేథ్, బెల్లం కొండ సురేష్, దిల్ రాజు, అలీ, బ్రహ్మనందం తదితరులు పాల్గొన్నారు. పెద్ద హీరోల ప్రాజక్టులతో కథానాయికగా దూసుకుపోతున్న తమన్నాను ఈ ఫంక్షన్లో ప్రభాస్ ఆకాశానికెత్తాడు. అసలు తమన్నా లాంటి కథానాయికను తానింత వరకూ చూడలేదని ప్రభాస్ అన్నాడు.
'తన పని తప్ప మరో విషయాన్ని ఆమె పట్టించుకోదు. ఎంతో క్రమశిక్షణ వున్న నటి. అలాంటి హీరోయిన్ నాకింతవరకు కనిపించలేదు' అన్నాడు. ఈ కార్యక్రమంలో అలీ మాట్లాడుతూ ప్రభాస్ గత రెండు చిత్రాలు వెజ్ టెరియన్ లాంటి సినిమాలని, ఈ రెబల్ సినిమా మాత్రం నాటు కోడి బిర్యానీ లాంటి సినిమా అని చెప్పారు. ఈ వేడుక లో హీరో ప్రబాస్, దర్శకుడు లారెన్స్ మాట్లాడుతూ రెబల్ తప్పకుండా అభిమానులను అలరిస్తుందని చెప్పారు.

...avnk