Posted: 08/18/2012 01:48 PM IST

దర్శకేంద్రుడు రాఘవేంద్ర రావు గురించి తెలియని సినీ జనాలు ఉండరు. ఆయన శృంగార రస చిత్రాలను తెర తెక్కించడంలో దిట్ట. శృంగార చిత్రాలే కాకుండా భక్తిరస చిత్రాలు కూడా తీయడంలో రాఘవేంద్ర రావు తనదైన శైలి ప్రదర్శిస్తారు. ఈ మధ్య కాలంలో ఎక్కువగా భక్తిరస చిత్రాలను తెరకెక్కిస్తున్న రాఘవేంద్రరావు ప్రస్తుతం నాగార్జునతో ‘శిరిడీ సాయి ’ చిత్రాన్ని తీస్తున్నారు. ఈ చిత్రం తరువాత మరో భక్తిరస చిత్రాన్ని తెరకెక్కించే ప్రయత్నాలు మొదలు పెట్టాడట. గతంలో ‘అన్నమయ్య ’ చిత్రాన్ని తీసిన ఈయన ఇప్పుడు ‘అన్నమయ్య కీర్తనలు, భక్తులపై ఆయన కీర్తనల ప్రభావం... ’ఇవన్నీ కలిపి ‘‘ఇంటింటా అన్నమయ్య ’’ అనే చిత్రాన్ని తీయబోతున్నాడు. ఈ చిత్రాన్ని శ్రీరామరాజ్యం తీసిన యలమంచిలి సాయిబాబా నిర్మిస్తారు.

దీనికి సంబంధించిన పూజా కార్యక్రమాలు విజయదశమికి మొదలు పెట్టనున్నట్లు సమాచారం. ఈ చిత్రానికి కీరవాణి స్వరాలు సమకూరుస్తున్నారు. ఇందులో ఇద్దరు కథానాయికలు ఉంటారనీ, వీరిలో ఒకరిగా 'జర్నీ' ఫేం అనన్య ఎంపికైందని తెలుస్తోంది. త్వరలో ఇందులో నటించే కథానాయకుని వివరాలతో బాటు, పూర్తి విశేషాలు అతి త్వరలో ప్రకటిస్తారు.