Posted: 08/17/2012 04:14 PM IST

       ప్రస్తుతం తెలుగు చలన చిత్ర పరిశ్రమలో ఆర్. నారాయణ మూర్తి అంతటి విభిన్న వ్యక్తిత్వం గల వ్యక్తి మనకు గోచరించడు. ఇప్పటివరకూ ఆయన ఎంచుకున్న సినిమాలన్నింటిలో వ్యాపార ద్రుక్పదం కంటే, సమాజాన్ని జాగ్రుతం చేయాలనే తపనే కనిపిస్తుంది. అతని నిర్మిణ సంస్థ స్నేహచిత్ర పిక్చర్స్‌ పతాకంపై మూర్తి నిర్మిస్తూ దర్శకత్వం వహించిన తాజా చిత్రం 'పీపుల్స్‌ వార్‌'. ప్రతిసారీ ఏదో ఒక సామిజిక అంశాన్ని తీసుకునే ఆయన ఈసారి సోం పేట సెజ్‌ల సమస్యలను టార్గెట్‌ చేశారు. పాలకులు, పెత్తం దారులు ప్రజల్ని మభ్యపెట్టి డబుల్‌ గేమ్‌ ఆడుతున్నారని దుయ్యబట్టారు. కాంగ్రెస్‌ ప్రభుత్వం సోం పేట, కోటిపల్లి ప్రాంతాల భూముల్ని పెట్టుబడి దారులకు అప్పచెబితే... మరోవైపు కాంగ్రెస్‌ మంత్రి మాణిక్యవరప్రసాద్‌ మాత్రం వ్యతిరేకంగా భూపోరాటం చేయడం హాస్యాస్పదంగా వుందని దుయ్యబట్టారు. గతంలో కాంగ్రెస్‌తోపాటు తెలుగుదేశం కూడా సెజ్‌ల పేరుతో భూముల్ని అప్పచెప్పింది. అక్కడ పోరాడుతున్న ఎంతోమంది ప్రాణాలు కోల్పో తున్నారు. సిపిఐ నారాయణ, సిపిఐఎం రాఘు వులు వంటివారు పోరాటాలు చేస్తూనే వున్నారు. ఇందులోంచి ఉద్భవించిందే ఈ సినిమా అని కథ నేపధ్యాన్ని వివరించారు.
        ఈ చిత్రంలో శ్రీహరి, పోసాని కృష్ణమురళి ప్రధాన భూమిక పోషిస్తున్నారు. ఈ చిత్రం సెన్సార్‌ పూర్తిచేసుకుని సెప్టెంబర్‌ 6న విడుదలకు సిద్ధమవుతుంది. ఇటీవలే విడుదలైన ఆడియోకు మంచి స్పందన వచ్చింది. వందేమాతరం, మిత్ర, రమణ ఆలపించారు. ఈ సోంపేట యుద్దంలో ఎంతోమంది చనిపోయారు. వారికి ఈ చిత్రాన్ని అంకితమిస్తున్నానని మూర్తి తెలిపారు.

...avnk