Posted: 08/14/2012 05:53 PM IST

        గత కొంతకాలంగా పవర్ స్టార్ పవన్ కల్యాణ్, త్రివిక్రమ్ శ్రీనివాస్ కాంబినేషన్లో జల్సా అనంతరం మరో సినిమా రాబోతుందంటూ వార్తలు షికారు చేస్తున్నాయి. దీనిని డైరెక్టర్ త్రివిక్రమ్, పవన్ కూడా ద్రువపరిచారు. కెమెరామెన్ గంగతో రాంబాబు పూర్తి అయిన వెంటనే ఈ ప్రాజక్టు సెట్స్ మీదకు వెళుతుందని కూడా మా విజిటర్స్ కు సమాచారమిచ్చాం. అయితే ఇంతవరకూ ఈ సినిమాను ఎవరు నిర్మిస్తారనే దానిమీద మాత్రం క్లారిటీ కొరవడింది. ఇప్పుడు ఈ ప్రశ్నకు ఖచ్చితమైన సమాచారం దొరికింది. ఈ చిత్రాన్ని తాను నిర్మిస్తున్నట్టు ప్రముఖ నిర్మాత బీవీయస్ఎన్ ప్రసాద్ (ఛత్రపతి ప్రసాద్) ప్రకటించారు. తమ బ్యానర్ పై నిర్మాణం జరుపుకునే ఈ చిత్రం షూటింగు సెప్టెంబర్లో ప్రారంభమవుతుందని ఆయన చెప్పారు. దీనిని హ్యూమన్ రిలేషన్స్, సంప్రదాయాల ఇతివృత్తంతో రూపొందిస్తున్నట్టు దర్శకుడు త్రివిక్రమ్ తీర్చిదిద్దబోతున్నారని వెల్లడించారు.
     ఇదిలా ఉండగా, నిర్మాత ప్రసాద్ తాజాగా నిర్మించిన 'దేవుడు చేసిన మనుషులు' ఈ 15 న అంటే రేపు విడుదల అవుతోంది. మరోపక్క రామ్- బొమ్మరిల్లు కాంబినేషన్లో ఓ చిత్రాన్నీ, గోపీచంద్- చంద్రశేఖర్ యేలేటి కాంబినేషన్లో మరో చిత్రాన్ని ప్రసాద్ నిర్మిస్తున్నారు.

..avnk