Posted: 07/07/2012 12:34 PM IST

విజువల్ రియాలిటీ పతాకంపై నిర్మిస్తున్న చిత్రం ‘ఐమాక్స్ సుందరి’. అన్ని కార్యక్రమాలు పూర్తిచేసుకున్న ఈ అనువాద చిత్రం ఈ నెలాఖరులో విడుదలకు సిద్ధమవుతోంది. చిత్రం గూర్చి మాటల రచయిత శ్రీరామ్ మాట్లాడుతూ ‘ది ఫ్యాషన్’ అనే హాలీవుడ్ చిత్రానికి అనువాదంగా రూపొందిస్తున్న ‘ఐమాక్స్ సుందరి’ చిత్రం అందరికీ నచ్చుతుందని, ఓ మల్టీప్లెక్స్ కాంప్లెక్స్‌లో జరిగిన సంఘటనతో ఓ అందమైన అమ్మాయి ఎన్ని ఇబ్బందులు పడింది అనే అంశంతో ఈ చిత్రం నిర్మించారని, సినిమాకు వచ్చే అమ్మాయిలను బ్లాక్‌మెయిల్ చేస్తూ, వారిదగ్గరనుండి డబ్బులు వసూలుచేసే థియేటర్ యజమానిని కథానాయిక ఎలా ఎదుర్కొంది? అతని ఆట ఎలా కట్టింది? అనే అంశంతో ఈ చిత్రాన్ని దర్శకుడు సరికొత్తగా తెరకెక్కించాడని, అన్ని వర్గాల ప్రేక్షకులకు నచ్చే అంశాలన్నీ ఈ చిత్రంలో వున్నాయని తెలిపారు. అన్ని కార్యక్రమాలు పూర్తయిన ఈ చిత్రం ఈనెల ద్వితీయార్థంలో విడుదల చేయడానికి సన్నాహాలు చేస్తున్నామని తెలిపారు. ఈ చిత్రానికి మాటలు: శ్రీరామ్ వై, నిర్మాత: విజువల్ రియాలిటీ.